پاکستان کرکٹ ٹیم آئرلینڈ اور انگلینڈ کے دورے کیلئے لاہور سے دبئی پہنچ گئی۔

پاکستان کرکٹ ٹیم آئرلینڈ اور انگلینڈ کے دورے کے سلسلے میں لاہور سے دبئی پہنچ گئی۔

، حسن علی شاداب خان اور محمد عامر ٹیم کے ہمراہ نہیں ہیں۔

قومی ٹیم کے کپتان بابر اعظم کی قیادت میں 15 رکنی ٹیم نیشنل کرکٹ اکیڈمی لاہور سے رات گئے روانہ ہوئی۔ قومی ٹیم آئرلینڈ کے خلاف سیریز کے لیے لاہور سے ڈبلن پہنچے گی جہاں وہ تین ٹی ٹوئنٹی انٹرنیشنل میچوں کی سیریز کھیلے گی۔

پاکستانی ٹیم کے ہمراہ شاداب خان اور حسن علی آئرلینڈ روانہ نہیں ہوئے، دونوں کھلاڑی آئرلینڈ میں ہی ٹیم کو جوائن کریں گے۔ دوسری طرف فاسٹ باؤلر محمد عامر ویزے کے ایشو کی وجہ سے آئرلینڈ کا دورہ نہیں کریں گے۔

پاکستان اور آئرلینڈ کے درمیان 3 ٹی ٹوئنٹی میچز کی سیریز کا پہلا میچ 10 مئی کو کھیلا جائے گا۔ دونوں ٹیموں کے درمیان دوسرا ٹی ٹوئنٹی میچ 12 مئی اور تیسرا 14 مئی کو شیڈول کیا گیا ہے۔

آئرلینڈ سیریز مکمل کرنے کے بعد پاکستان کرکٹ ٹیم انگلینڈ جائے گی جہاں وہ انگلینڈ کے خلاف 4 ٹی ٹوئنٹی انٹرنیشنل میچوں کی سیریز کھیلے گی۔ انگلینڈ کے خلاف پاکستان ٹیم 22 مئی کو پہلا ٹی ٹونٹی میچ کھیلے گی۔

5 میچز پر مشتمل ٹی ٹوئنٹی سیریز کا دوسرا میچ 25 مئی، تیسرا 28 مئی اور آخری ٹی ٹوئنٹی میچ 30 مئی کو کھیلا جائے گا۔ انگلینڈ سیریز کے بعد قومی ٹیم ٹی 20 ورلڈ کپ میں شرکت کرے گی۔