مصباح الحق چیمپئنز ون ڈے کپ میں وولوز کے مینٹور ہونگے

مصباح الحق چیمپئنز ون ڈے کپ میں وولوز کے مینٹور ہونگے۔

اس رول میں اپنا کردار بھرپور طور پر ادا کرنے کے لیے پرامید ہوں۔ مصباح الحق۔

لاہور 30 اگست۔ پاکستان کرکٹ ٹیم کے سابق کپتان اور ہیڈ کوچ مصباح الحق چیمپینز ون ڈے کپ میں وولوز ٹیم کے مینٹور مقرر کیے گئے ہیں۔ یہ ٹورنامنٹ 12سے 29 ستمبر تک اقبال اسٹیڈیم فیصل آباد میں کھیلا جائے گا۔

مصباح الحق کی وولوز ٹیم کو ایونٹ کی تیاری کے لیے فیصل آباد کرکٹ اکیڈمی دی گئی ہے۔ جبکہ شعیب ملک کی اسٹالینز ٹیم اپنی ٹریننگ سیالکوٹ کرکٹ اکیڈمی میں کرے گی۔

مصباح الحق نے وولوز ٹیم کا مینٹور بنائے جانے پر خوشی ظاہر کی ہے اور اس امید کا اظہار کیا ہے کہ وہ اس نئے رول میں اپنا کردار بھرپور انداز میں ادا کرنے کی کوشش کریں گے۔

مصباح الحق کا کہنا ہے کہ میں مینٹور کے طور پر وولوز کے ساتھ دوبارہ متحد ہونے اور ہمارے مستقبل کی تشکیل میں اہم کردار ادا کرنے کے لیے پرجوش ہوں۔

یہ کردار نہ صرف مجھے اپنے تجربے اور علم کا اظہار کرنے کا موقع دیتا ہے بلکہ مجھے 2019 سے کچھ نامکمل کام مکمل کرنے اور اپنا وژن لانے کا موقع بھی دیتا ہے۔

انہوں نے کہا کہ چیمپیئنز ون ڈے کپ ایک شاندار ایونٹ ہے جہاں ملک کے بہترین کھلاڑی حصہ لیں گے۔ایک ایسے فارمیٹ میں جہاں ہر میچ اہم ہوتا ہے۔ یہ ٹورنامنٹ اعلیٰ معیار کی کرکٹ فراہم کرنے کا وعدہ کرتا ہے۔

فیصل آباد کے شائقین کے سامنے ہمارے کھلاڑیوں کو بہترین پرفارم کرنا کا یہ اچھا موقع ہے۔ مجھے یقین ہے کہ یہ ٹورنامنٹ اگلی نسل کے ٹیلنٹ کو دریافت کرنے میں اہم ثابت ہو گا۔

بین الاقوامی سطح پر پاکستان کی نمائندگی کرنا۔ آسٹریلیا، زمبابوے، اور جنوبی افریقہ کے خلاف آئندہ ون ڈے ہوم سیریز کے علاوہ سہ فریقی سیریز، اور آئی سی سی چیمپئنز ٹرافی 2025 کے لیے ہمارے مستقبل کے اسٹارز کی شناخت اور انہیں پروان چڑھانے کے لیے اس سے بہتر وقت کوئی نہیں ہے۔

یاد رہے کہ مصباح الحق پاکستان کی ٹیسٹ تاریخ کے سب سے کامیاب کپتان ہیں جنہوں نے 26 ٹیسٹ میچ جیتے ہیں۔
ان کی کپتانی میں پاکستان اگست 2016میں ٹیسٹ کرکٹ کی عالمی نمبر رینکنگ میں پہلے نمبر پر پہنچا۔

ان کی قیادت میں پاکستان نے2012 میں ایشیا کپ جیتا۔وہ واحد پاکستانی کپتان ہیں جنہوں نے ویسٹ انڈیز میں ٹیسٹ سیریز جیتی ہے۔
مصباح الحق 2009 کا ٹی ٹوئنٹی ورلڈ کپ جیتنے والی ٹیم میں بھی شامل تھے۔وہ 2017میں وزڈن کے پانچ بہترین کرکٹرز میں بھی شامل کیے گئے۔

چیمپئنز ون ڈے کپ میں وولوز کے میچوں کا شیڈول اس طرح ہے۔
12 ستمبر۔ بمقابلہ پینتھرز۔
15 ستمبر ۔ بمقابلہ اسٹالیئنز۔
17 ستمبر۔ بمقابلہ ڈولفنز۔
20 ستمبر۔ بمقابلہ لائنز۔