ایشین ہاکی چیمپیئنز ٹرافی ; پاکستان سیمی فائنل میں پہنچ گیا

پاکستان ایشین ہاکی چیمپیئنز ٹرافی میں مسلسل 2 میچ جیت کر سیمی فائنل میں پہنچ گیا ہے۔

گرین شرٹس کی جانب سے احمد ندیم اور حنان شاہد نے 2، 2 جبکہ عبدالرحمان نے ایک گول سکور کیا،

پاکستان نے دوسرے، تیسرے اور چوتھے کوارٹر میں گول کیے۔پاکستان ایونٹ میں ابھی تک ناقابل شکست ہے،

چین میں جاری ایشین ہاکی چیمپیئنز ٹرافی میں آج پاکستان کا مقابلہ میزبان چین سے ہوا، پاکستان ٹیم نے اس میچ میں عمدہ کھیل پیش کیا اور چین کو 1-5 سے شکست دی۔

پاکستان کی طرف سے ندیم احمد اور حنان شاہد نے 2، 2 گول کیے جبکہ عبدالرحمان نے ایک گول کیا، اس فتح کے ساتھ پوائنٹس ٹیبل پر پاکستان کے 8 پوائنٹس ہوگئے اور اس نے ایونٹ کے سیمی فائنل میں جگہ بنالی۔

یہاں یہ بات بھی قابل ذکر ہے کہ قومی ہاکی ٹیم نے اس ایونٹ میں اب تک 4 میچ کھیلے ہیں، جن میں سے 2 میچ میں کامیابی حاصل کی ہے جبکہ 2 میچ ڈرا ہوئے ہیں۔

واضح رہے کہ گزشتہ روز پاکستان نے تیسرے اور اہم میچ میں جاپان کو 1-2 سے شکست دے کر ایونٹ میں اپنی پہلی کامیابی حاصل کرلی تھی۔

پاکستان اپنا آخری پول میچ 14 ستمبر بروز ہفتہ بھارت کے خلاف کھیلے گا، بھارتی ٹیم ٹورنامنٹ میں اب تک ناقابل شکست ہے۔