ایشین ہاکی چیمپیئنز ٹرافی: پاکستان نے کوریا کو 2 کے مقابلے میں 5 گول سے ہرا دیا

ایشین ہاکی چیمپیئنز ٹرافی: پاکستان نے کوریا کو 2 کے مقابلے میں 5 گول سے ہرا دیا

ایشین ہاکی چیمپیئنز ٹرافی میں تیسری پوزیشن کے لیے کھیلے جا رہے میچ میں پاکستان نے کوریا کو 2 کے مقابلے میں 5 گول سے شکست دیکر پاکستان نے تیسری پوزیشن حاصل کرلی۔

پاکستان کی جانب سے سفیان خان اور حنان شاہد نے 2، 2 گول کیے۔ پاکستان نے تیسرے کوارٹر میں 3 اور چوتھے کوارٹر میں 2 گول کیے۔

پاکستان نے ٹورنامنٹ میں 3 میچ جیتے 2 میں شکست کا سامنا کیا جبکہ 2 میچ برابری پر ختم ہوئے۔ پاکستان کو سیمی فائنل میں چین سے شکست کھانا پڑی تھی۔

واضح رہے کہ ایونٹ کے سیمی فائنل میچ میں پاکستان کو میزبان چین کے ہاتھوں شکست کا سامنا کرنا پڑا تھا۔ چین نے پنالٹی شوٹس پر پاکستان کو دو صفر سے شکست دی تھی۔

دوسری جانب، فیڈریشن آف انٹرنیشنل ہاکی نے ایف آئی ایچ اسٹارز ایوارڈز کی نامزدگیوں کا اعلان کر دیا، رائزنگ اسٹار پلیئر کی کیٹیگری میں پاکستان کے سفیان خان کا نام بھی شامل ہے۔