چیمپئنز ٹرافی دبئی سے اسلام آباد منتقل ؛ 16 نومبر سے ٹرافی ٹوور کا آغاز ہو گا

انٹرنیشنل کرکٹ کونسل نے چیمپئنز ٹرافی دبئی سے اسلام آباد پہنچا دی ہے۔

آئی سی سی چیمپئنز ٹرافی 19 فروری سے 9 مارچ تک پاکستان میں شیڈول ہے۔

16نومبر سے چیمپئنز ٹرافی ٹور کا آغاز اسکردو سے ہوگا،اسکردو کے بعد چیمپئنز ٹرافی کو کے ٹو بیس کیمپ لے جایا جائے گا۔ پہلی بار چیمپئنز ٹرافی کے شیڈول کے اعلان کے بغیر ٹرافی ٹور شروع ہو گا،

آئی سی سی ٹورنامنٹ کے آغاز سے 4 ماہ پہلے شیڈول کا اعلان کرتا ہے۔ دوسری جانب آئی سی سی فی الوقت تمام بورڈ سے مشاورت جاری رکھے ہوئے ہے،

ذرائع کا کہنا ہےآئی سی سی بھارتی کرکٹ بورڈ اور پی سی بی سے بھی بات چیت کررہا ہے، حتمی مشاورت کے بعد شیڈول جلد ریلیز کیا جائیگا۔

آئی سی سی نے پی سی بی کے خط کے بعد بی سی سی آئی سے رابطہ کیا ہے، کونسل حکام بی سی سی آئی سے انکار کی وجوہات اور متبادل تجاویز پر بات کررہے ہیں۔

یاد رہے کہ مینز ٹی20 ورلڈ کپ 2024 کے شیڈول کا اعلان 4 ماہ پہلے جنوری میں کیا گیا تھا، مینز ون ڈے ورلڈکپ 2023 کے شیڈول کا اعلان بھی 3 ماہ پہلے جون میں ہوا تھا ،

چیمپئنز ٹرافی کا آغاز19 فروری سے 9 مارچ 2025 تک ہونا ہے لیکن تاحال شیڈول کا اعلان نہیں ہو سکا۔