جونیئر ہاکی ورلڈ کپ کوالیفائنگ رائونڈ کل سے اومان میں شروع

جونیئر ہاکی ورلڈ کپ کوالیفائنگ رائونڈ کل سے اومان میں شروع

پاکستان کی 18 رکنی جونیئر ہاکی ٹیم ایشین جونیئر کپ ہاکی ٹورنامنٹ میں شرکت کیلئے اومان کے شہر مسقط میں ڈیرے جمالئے ہیں ۔

26 نومبرسے 4 دسمبر 2024 تک شیڈول 10 ٹیموں کے ایونٹ کو عالمی جونیئر کپ ہاکی ٹورنامنٹ کے کوالیفائنگ راونڈ کی حیثیت حاصل ہے، پہلی 6 پوزیشن پانے والی ٹیمیں ایف آئی ایف کے تحت اگلے برس ہونے والے عالمی جونیئر کپ میں شرکت کی حامل ہوں گی۔

ایشین جونیئرکپ کیلئے قومی جونیئر سکواڈ کی قیادت عبدالحنان کر رہے ہیں۔پاکستان اپنا پہلا گروپ میچ 27 نومبر کو چین کیخلاف کھیلے گا، دوسرے میچ میں بنگلہ دیش سے مقابلہ ہوگا، 30 نومبرکو قومی جونیئر ٹیم اپنے تیسرے میچ میں ملائیشیا سے مقابلہ کریگی۔