محسن نقوی کی پاکستان ہاکی کیلئے ہر ممکن تعاون کی یقین دہانی

چئیرمین پی سی بی محسن نقوی سے ہاکی کے سابق قومی کھلاڑیوں شہباز سینئر اور خواجہ جنید کی ملاقات۔ چیمپئنز ٹرافی پر چئیرمین پی سی بی کے اصولی موقف کو سراہا

کرکٹ سٹرکچر تیزی سے آپ نے درست کیا ہے۔

اسی رفتار سے ہاکی کے سسٹم کو ٹھیک کرنے کی ضرورت ہے۔شہباز سینئر۔ خواجہ جنید

ملاقات میں ہاکی کے کھیل کے فروغ کے لئے پائیدار بنیادوں پر اقدامات پر تبادلہ خیال۔

چئیرمین پی سی بی نے ہاکی کے کھیل کے لئے اپنے ہر ممکن تعاون کی یقین دہانی کرائی

ہاکی پاکستان کا قومی کھیل اور ماضی درخشاں تاریخ سے عبارت ہے۔

ہاکی کی عظمت رفتہ کی بحالی کے لئے ہورا تعاون کریں گے۔ محسن نقوی

اسلام آباد ؛ 08 جنوری، 2025 ; نوازگوھر

چئیرمین پاکستان کرکٹ بورڈ محسن نقوی سے ہاکی کے سابق قومی کھلاڑیوں شہباز سینئر اور خواجہ جنید نے نیشنل کرکٹ اکیڈمی میں ملاقات کی۔شہباز سینئر اور خواجہ جنید نے آئی سی سی چیمپئنز ٹرافی ٹورنامنٹ پر چئیرمین پی سی بی محسن نقوی کے اصولی موقف کو سراہا ۔

شہباز سینئر اورخواجہ جنید نے کہا کہ کرکٹ سٹرکچر تیزی سے آپ نے درست کیا ہے۔اسی رفتار سے ہاکی کے سسٹم کو ٹھیک کرنے کی ضرورت ہے۔ملاقات میں ہاکی کے کھیل کے فروغ کے لئے پائیدار بنیادوں پر اقدامات پر تبادلہ خیال بھی کیا گیا۔

چئیرمین پی سی بی محسن نقوی نے ہاکی کے کھیل کے لئے اپنے ہر ممکن تعاون کی یقین دہانی کرائی۔ چیئرمین پی سی بی محسن نقوی نے کہا کہ ہاکی پاکستان کا قومی کھیل ہے

اور پاکستانی ہاکی ٹیم کا ماضی درخشاں تاریخ سے عبارت ہے۔ہاکی کی عظمت رفتہ کی بحالی کے لئے ہورا تعاون کریں گے۔

شہباز سینئر اور خواجہ جنید نے جرمن اور نیدرلینڈ کے ہاکی کلبز کے دورے کی تفصیلات سے آگاہ کیا۔دونوں پلیئرز نے مارچ میں جرمن نیشنل جونیئر ہاکی ٹیم کے دورہ پاکستان کے بارے بریف کیا۔