آئی سی سی وفد کا دورہ پنڈی کرکٹ سٹیڈیم تعمیراتی کاموں کا جائزہ

آئی سی سی وفد کا دورہ پنڈی کرکٹ سٹیڈیم ‘تعمیراتی کاموں کا جائزہ

چیمپئنز ٹرافی کے حوالے سے انتظامات کا جائزہ لینے کیلئے پاکستان آنے والے آئی سی سی وفد نے دوسرے مرحلہ میں ہفتہ کو پنڈی کرکٹ سٹڈیم کا دورہ کیا اور وہاں چیمپئنز ٹرافی کے انعقاد کیلئے کئے گئے انتظامات کا تفصیلی جائزہ لیا۔

6 رکنی وفدنے راولپنڈی کے سٹیڈیم میں جاری تعمیراتی کام کا تفصیلی جائزہ لیا۔پی سی بی کے ڈائریکٹر انٹرنیشنل کرکٹ عثمان واہلہ و دیگر متعلقہ حکام نے جاری تزئن و آرائش کے بارے میں بریفنگ دی۔

پاکستان کے دورے کے آخری مرحلے میں آئی سی سی وفد لاہور آئیگا اور قذافی سٹیڈیم میں جاری تعمیراتی کام اور دیگر سہولیات کا جائزہ لے گا۔ چیمپئنز ٹرافی کے حوالے سے آئی سی سی کا چوتھا وفد پاکستان کا دورہ کر رہا ہے۔

چیمپئنز ٹرافی کی میزبانی، ٹیموں کے قیام کیلئے ہوٹلوں کی بکنگ شروع کر دی گئی۔پی سی بی نے کراچی لاہور اور راولپنڈی میں ہوٹل انتظامیہ سے رابطہ کر لیا، غیر ملکی ٹیموں کی پاکستان آمد فروری کے پہلے ہفتے سے شیڈول ہے۔