بھارتی ٹیم کے کپتان روہت شرما ون ڈے فارمیٹ میں 11 ہزار رنز بنانے والے 10 ویں کھلاڑی بن گئے۔
روہت شرما نے یہ سنگِ میل دبئی میں بنگلادیش کے خلاف کھیلے جانے والے چیمپئنز ٹرافی کے دوسرے میچ میں عبور کیا، بھارتی کپتان کی جانب سے یہ کارنامہ 261 اننگز میں انجام دیا گیا ہے۔
اس سے قبل سچن ٹنڈولکر ، انضمام الحق ، سنتھ جے سوریا ، سارو گنگولی ، رکی پونٹنگ ، جیک کیلس ، کمار سنگاکارا ، مہیلا جے وردھنے اور ویرات کوہلی یہ کارنامہ سرانجام دے چکے ہیں۔
واضح رہے تیز ترین 11 ہزار رنز مکمل کرنے کا ریکارڈ ویرات کوہلی کے پاس (222 میچز) ہے جبکہ روہت شرما یہ کارنامہ انجام دینے والے دوسرے تیز ترین بلے باز بن گئے ہیں۔
