جرمنی نے پاکستان کو جونیئر ہاکی سیریز میں وائٹ واش کردیا
اسلام آباد: پاکستان جرمن فرینڈشپ جونیئرہاکی سیریزمیں جرمنی نے آخری میچ میں پاکستان کو 1-4 گول سے شکست دے کر سیریز 0-4 سے اپنے نام کرلی۔
اسلام آباد میں کھیلے گئے سیریز کے آخری میچ میں پاکستان کی طرف سے واحد گول دوسرے کوارٹر میں سفیان خان نے کیا۔
آخری میچ میں وفاقی سیکریٹری بین الصوبائی رابطہ ظہور احمد اور پاکستان میں جرمن سفیر الفریڈ گراناس نے اختتامی تقریب میں شرکت کی جبکہ ڈی جی پاکستان سپورٹس بورڈ یاسر پیرزادہ، سیکریٹری آرمی اسپورٹس بورڈ کرنل نبیل رانا بھی شریک ہوئے۔
سیریز کے ابتدائی تین میچز لاہور جبکہ آخری میچ اسلام آباد میں کھیلا گیا۔
