اذلان شاہ ہاکی کپ ٹورنامنٹ شیڈول میں پاکستان اور جاپان کی ٹیمیں نظر انداز
رواں برس اذلان شاہ ہاکی کپ کے شیڈول میں پچھلے برس کی فائنل کھیلنے والی پاکستان اور جاپان کی ٹیموں کو نظر انداز کردیا گیا۔
پی ایچ ایف ذرائع کےمطابق اذلان شاہ ہاکی کپ ٹورنامنٹ کےرواں برس کے شیڈول میں پاکستان کو نظر انداز کردیا گیا ہے،گزشتہ برس پاکستان نے اذلان شاہ کپ کا فائنل کھیلا تھا اورسلور میڈل جیتنے پر حکومتی سطح پر قومی ٹیم کی بھرپور پذیرائی کی گئی تھی۔
اس بار اذلان شاہ یاکی کپ 22۔ نومبر سے ایپو میں کھیلا جارہاہے۔ ایف آئی ایچ پر اذلان شاہ ہاکی کپ کی پوسٹ کے مطابق مدعو کردہ ٹیموں میں پاکستان کا نام شامل نہیںْ
پی ایچ ایف ذرائع کا کہنا ہے کہ اذلان شاہ ہاکی کپ کے منتظمین کی جانب سے پی ایچ ایف کو کوئی انوی ٹیشن نہیں ملا۔پاکستان کے ساتھ فائنل کھیل کر گولڈ میڈل جیتنے والی جاپان ٹیم کو بھی نہیں رکھا گیا
۔رواں برس شیڈول ایونٹ میں بیلجیئم،کینیڈا،جرمنی،بھارت، آئرلینڈ اور ملائیشیا اور شام کی ٹیموں کو شامل کیا گیا ہے۔
