نیشنل ٹی ٹوئنٹی کپ: صاحبزاہ فرحان نے ٹی ٹوئنٹی کرکٹ کا نیا قومی ریکارڈ بنا دیا
نیشنل ٹی ٹوئنٹی کپ کے دوران پشاور ریجن کے بلے باز صاحبزادہ فرحان نے ٹی ٹوئنٹی کرکٹ کا نیا قومی ریکارڈ بنادیا ہے۔ نیشنل ٹی ٹوئنٹی کپ کے پہلے سیمی فائنل میں صاحبزادہ فرحان نے ایبٹ آباد ریجن کیخلاف 58 گیندوں پر 6 چھکوں اور 8 چوکوں کی مدد سے سنچری بنائی۔
اس اننگز کے ساتھ صاحبزادہ فرحان نے نیشنل ٹی ٹوئنٹی کپ کی 6 اننگز میں 588 رنز بنالیے ہیں، یوں انہوں نے ایک ایڈیشن میں سب سے زیادہ رنز کا ریکارڈ بنایا ہے۔
یہ بات واضح رہے کہ اس سے پہلے بھی یہ ریکارڈ صاحبزاد فرحان کے ہی نام تھا، انہوں نے پچھلے سیزن میں 12 اننگز میں 492 رنز بنائے تھے۔
خیال رہے کہ صاحبزادہ فرحان نے ایک ٹی ٹوئنٹی ٹورنامنٹ کے ایڈیشن میں سب سے زیادہ رنز کا فخر زمان کا قومی ریکارڈ بھی برابر کردیا ہے۔ فخر زمان نے پاکستان سپر لیگ 2022ء کے ایڈیشن میں 13 اننگز کھیل کر 588 رنز بنائے تھے ۔
