ورلڈ فٹنس چیلنج اینڈ باڈی بلڈنگ چیمپئن شپ میں پاکستان نے تین میڈل جیت لیے
سعودی عرب میں ہونے والی ورلڈ فٹنس چیلنج اینڈ باڈی بلڈنگ چیمپئن شپ میں پاکستانی ایتھلیٹس نے شاندار کارکردگی کا مظاہرہ کرتے ہوئے ملک کے لیے تین برونز میڈلز جیتنے کا اعزاز حاصل کرلیا۔
پاکستان آرمی کے ایتھلیٹس نے مقابلوں میں نمایاں پرفارمنس دی۔ آرمی کی اولمپین صدف صدیقی نے ماسٹرز کیٹیگری میں برونز میڈل حاصل کیا، جبکہ حوالدار مقبول احمد نے انفرادی ماسٹرز اور انعام اللہ نے سینئرز کیٹیگری میں میڈل جیتا۔
ورلڈ فٹنس چیمپئن شپ میں میز ایونٹ میں 57 اور ویمنز ایونٹ میں 18 ممالک نے حصہ لیا۔ تینوں پاکستانی ایتھلیٹس کی کامیابی نے ملک میں فٹنس اور باڈی بلڈنگ کے شائقین کو خوشی سے بھر دیا۔
پاکستان آرمی کی طرف سے ایتھلیٹس کی یہ کامیابی ملک کے لیے فخر کا باعث ہے اور بین الاقوامی سطح پر پاکستان کی شبیہ کو مزید بہتر کرتی ہے۔
