ورلڈ سٹرینتھ لفٹنگ چیمپئن شپ ؛  پاکستانی سٹرینتھ لفٹر محمد عثمان نے دو میڈلز جیت لیے

 پاکستانی سٹرینتھ لفٹر محمد عثمان نے گیارہویں ورلڈ سٹرینتھ لفٹنگ چیمپئن شپ2024

قازقستان میں تاریخ رقم کردی،  پاکستان نے دو میڈلز جیت لیے ۔

گیارہویں ورلڈ سٹرینتھ لفٹنگ اینڈ انکلائن بینچ پریس چیمپئن شپ ، یو ایس ٹی کامینو گورسک قازقستان میں منعقد ہوئی جس میں پاکستان سٹرینتھ لفٹنگ ٹیم کے کپتان محمد عثمان نے 85 کلو کلاس سینئر کیٹگری میں انکلائن بینچ پریس

132.5kg، بائسپس کرل 72.5kg، ہیک لفٹ kg225 وزن اٹھا کر بھارتی کھلاڑی کو ہرا دیا ، انہوں نے ایک گولڈ میڈل اور ایک سلور میڈل جیتا ۔

کپتان محمد عثمان نے وکٹری سٹینڈ پرکھڑے ہو کر اپنا میڈل فلسطین کے نام کیا اور پاکستان کا جھنڈا فلسطین کے پرچم کے ساتھ فخر سے بلند کیا، انہوں نے پوری دنیا میں یہ پیغام جاری کیا کہ پاکستانی قوم کا بچہ بچہ فلسطین کے ساتھ ہے۔

پاکستان سٹرینتھ لفٹنگ فیڈریشن کے چیئرمین منظور شاہین، انٹرنیشنل سٹرینتھ لفٹر اور پریزیڈنٹ عقیل جاوید بٹ، انٹرنیشنل سٹرینتھ لفٹر وائس پریذیڈنٹ وقاص ظفر نے پاکستان سٹرینتھ لفٹنگ ٹیم کی واپسی پر بھرپور جوش وخروش کے ساتھ استقبال کرنے کا فیصلہ کیا ہے۔