چیمپئنز ٹرافی ; آئی سی سی کا وفد نیشنل سٹیڈیم پہنچ گیا

آئی سی سی کا وفد نیشنل سٹیڈیم پہنچ گیا، زیرِ تعمیر عمارت کاجائزہ

چیمپئنز ٹرافی کی تیاریوں کے سلسلے میں انٹرنیشنل کرکٹ کونسل (آئی سی سی) کے وفد نے نیشنل سٹیڈیم کراچی کا دورہ کیا اور سٹیڈیم میں زیرِ تعمیر نئی عمارت کے کام کا جائزہ لیا۔

وفد میں آئی سی سی ایونٹ منیجر عون زیدی، براڈ کاسٹر، مارکیٹنگ و دیگر ڈیپارٹمنٹ کے لوگ شامل تھے ۔اس موقع پر جنرل منیجر نیشنل سٹیڈیم ارشد خان، ڈائریکٹر نٹرنیشنل عثمان واہلہ سمیت پی سی بی کے دیگر افراد بھی موجود تھے ۔

وفد نے نیشنل سٹیڈیم میں زیرِ تعمیر نئی عمارت کے کام کا جائزہ لیا، نئی عمارت کے اندرونی حصے اور وہاں جاری کام کا معائنہ بھی کیا۔وفد تقریباً آدھے گھنٹے نئی عمارت میں موجود رہا جہاں انہیں مکمل بریفنگ دی گئی۔

وفد نے سٹیڈیم کے دیگر حصے کا بھی بغور جائزہ لیا اور اب آئی سی سی وفد لاہور کا دورہ کرے گا۔