شاہد آفریدی کا اسلام آباد کا اہم دورہ، این بی پی ہاکی ٹیم کے لیے کھلاڑیوں کی شارٹ لسٹنگ کا آغاز

شاہد آفریدی کا اسلام آباد کا اہم دورہ، این بی پی ہاکی ٹیم کے لیے کھلاڑیوں کی شارٹ لسٹنگ کا آغاز

اسلام آباد: پاکستان میں قومی کھیل ہاکی کی بحالی اور ترقی کی جانب ایک اور انتہائی حوصلہ افزا اور خوش آئند پیشرفت سامنے آئی ہے۔

 قومی کرکٹ ٹیم کے سابق کپتان، معروف اسٹار اور قومی بینک آف پاکستان (NBP) کے ایڈوائزر شاہد خان آفریدی (بوم بوم آفریدی) نے اپنی اسپورٹس ٹیم کے ہمراہ اسلام آباد کا اہم دورہ کیا۔

اس دورے کے دوران شاہد آفریدی کی اسپورٹس ٹیم نے نیشنل بینک آف پاکستان کی نئی ہاکی ٹیم کی تشکیل کے لیے ہونہار کھلاڑیوں کو شارٹ لسٹ (انتخاب) کرنے کے باقاعدہ عمل کا آغاز کر دیا ہے۔

پاکستان ہاکی کی تاریخ میں یہ ایک نہایت سنگ میل قدم ہے کہ ملک کا ایک اہم اور بڑا قومی ادارہ ہاکی کے میدان میں پیش رفت کرتے ہوئے اپنی مستقل ہاکی ٹیم قائم کر رہا ہے۔

پی ایچ ایف کی جانب سے قومی بینک کی اس پیشرفت سے ملک کے ابھرتے ہوئے نوجوان ہاکی کھلاڑیوں کو نہ صرف بہترین اور معقول روزگار کے مواقع میسر آئیں گے، بلکہ انہیں پیشہ ورانہ سطح پر کھیل کو آگے بڑھانے کی بھرپور مراعات اور مراعات یافتہ ماحول بھی حاصل ہوگا۔

اس قسم کے ادارہ جاتی تعاون اور سرپرستی پاکستان ہاکی کے دوبارہ عروج، بحالی اور ہمارے نوجوان ٹیلنٹ کو ایک محفوظ اور روشن مستقبل فراہم کرنے کے لیے ناگزیر ہیں۔