Tag: بھارت

نئی دہلی (سپورٹس لنک رپورٹ)رواں سال بھارت میں ہونے والے 14 ویں ہاکی ورلڈکپ کے شیڈول کا اعلان کر دیا گیا ہے جس میں 16 ٹیمیں شرکت کریں گی۔

انٹرنیشنل ہاکی فیڈریشن ( ایف آئی ایچ) نے ہاکی کے میگا ایونٹ کے شیڈول کا اعلان کیا ہے جو کہ 28 نومبر سے 16 دسمبر تک بھارتی شہر بھوبنیشور میں کھیلا جائے گا۔

14 ویں میگا ایونٹ میں 16 ٹیمیں حصہ لیں جنہیں 4 پول میں تقسیم کیا گیا ہے۔

پول اے میں ارجنٹینا، اسپین، نیوزی لینڈ اور فرانس جب کہ پول بی میں آسٹریلیا، انگلینڈ، آئرلینڈ اور چین کی ٹیمیں شامل ہیں۔

پول سی بیجلیئم، کینیڈا، جنوبی افریقا اور میزبان بھارت پر مشتمل ہے جب کہ پاکستان ٹیم پول ڈی میں ہالینڈ، جرمنی اور ملائیشیا سے مقابلہ کرے گی۔

سینچورین(سپورٹس لنک رپورٹ)کلاسن کی دھواں دار بیٹنگ اور جے پی ڈومینی کی نصف سنچری کی بدولت جنوبی افریقہ نے بھارت کو دوسرے ٹی ٹونٹی انٹرنیشنل کرکٹ میچ میں 6 وکٹوں سے شکست دے کر تین میچوں کی سیریز 1-1 سے برابر کر دی، بھارت نے پہلے کھیلتے ہوئے مقررہ اوورز میں 4 وکٹوں پر 188 رنز کا مجموعہ ترتیب دیا تھا، جواب میں جنوبی افریقہ نے مطلوبہ ہدف 18.4 اوورز میں 4 وکٹوں کے نقصان پر حاصل کیا، ہنرچ کلاسن اور جے پی ڈومینی نے جارحانہ بلے بازی کا مظاہرہ کرتے ہوئے بھارتی باؤلرز کا بھرکس نکال دیا، کلاسن نے 30 گیندوں پر 7 چھکوں اور 3 چوکوں کی مدد سے 69 رنز کی اننگز کھیلی جبکہ ڈومینی نے 64 رنز کی ناقابل شکست اننگز کھیل کر بھارت کی جیت کی امیدوں پر پانی پھیر دیا، پانڈے کی 79 اور دھونی کی 52 رنز کی اننگز رائیگاں گئیں، کلاسن میچ کے بہترین کھلاڑی قرار پائے۔سینچورین میں کھیلے گئے دوسرے ٹی ٹونٹی میچ میں بھارت نے پہلے کھیلتے ہوئے مقررہ اوورز میں 4 وکٹوں کے نقصان پر 188 رنز بنائے، ابتدائی چار بلے باز خاطرخواہ کارکردگی کا مظاہرہ نہ کر سکے، شیکھر دھون 24، روہت شرما صفر، سریش رائنا 31 اور کپتان ویرات کوہلی ایک رن بنا کر چلتے بنے، 90 کے سکور پر 4 وکٹیں گرنے کے بعد پانڈے اور دھونی نے شاندار بلے بازی کا مظاہرہ کرتے ہوئے پانچویں وکٹ میں 98 رنز کی شراکت جوڑ کر سکور 188 تک پہنچا دیا، پانڈے 79 اور دھونی 52 رنز بنا کر ناٹ آؤٹ رہے، جونیئر ڈیلا نے 2، ڈومینی اور پہلک وایو نے ایک، ایک وکٹ لی، جواب میں جنوبی افریقہ نے مطلوبہ ہدف 19ویں اوور کی چوتھی گیند پر 4 وکٹوں پر پورا کیا، پروٹیز اننگز کا آغاز کچھ زیادہ اچھا نہ تھا اور 38 کے سکور پر اس کے دونوں اوپنرز ہینڈرکس 26 اور سمٹس 2 رنز بنا کر آؤٹ ہو گئے، اس موقع پر ڈومینی اور کلاسن نے میدان سنبھالا، دونوں بلے بازوں نے تیسری وکٹ میں 93 قیمتی رنز جوڑ کر میچ کا پانسہ پلٹ دیا، کلاسن نے جارحانہ بلے بازی کا مظاہرہ کرتے ہوئے حریف باؤلرز کی خوب دھنائی کی، انہوں نے 30 گیندوں پر 7 چھکوں اور 3 چوکوں کی مدد سے 69 رنز کی طوفانی اننگز کھیلی، ڈیوڈ ملر 5 رنز بنا سکے، ڈومینی نے ڈٹ کر حریف باؤلرز کا مقابلہ کیا اور 64 رنز کی ناقابل شکست اننگز کھیل کر ٹیم کو فتح دلائی، فرحان بہاردین 16 رنز بنا کر ناٹ آؤٹ رہے، اوندکت نے 2، ٹھاکر اور پانڈیا نے ایک، ایک وکٹ لی۔

اسلام آباد ۔(سپورٹس لنک رپورٹ) آئی ٹی ایف سید تجمل عباس جونئیر ٹینس چیمپیئن شپ دلاور عباس ٹینس کمپلیکس، اسلام آباد میں شروع ہوگئی۔ چیمپیئن شپ کا افتتاح پاکستان ٹینس فیڈریشن کے صدر سینیٹر سلیم سیف اﷲ نے کیا۔ اس موقع پر شالیمار کلب راولپنڈی سپورٹس سیکرٹری قیصر حسین مرزا اور اسلام آباد ٹینس ایسوسی ایشن کے سیکرٹری عارف قریشی کے علاوہ شائقین کی کثیر تعداد بھی موجود تھی۔چیمپیئن شپ میں چار کیٹگریز کے مقابلے ہونگے جن بوائز انڈر۔ 18 سنگلز اور ڈبلز، گرلز انڈر- 18 سنگلز اور ڈبلز مقابلے شامل ہیں۔اور چیمپیئن شپ میں نو ممالک کے کھلاڑی حصہ لے رہیہیں۔ گرلز کے مقابلوں میں تائیوان، ترکی، پاکستان، تھائی لینڈ، بھارت اور ہنگری کی کھلاڑی شامل ہیں جبکہ بوائز کے مقابلوں میں پاکستان، برطانیہ، ملائیشیا، بھارت، تھائی لینڈ، ہانگ کانگ، کینڈا، امریکہ اور تائیوان کے کھلاڑی شامل ہیں۔ ریفری کے فرائض عارف قریشی انجام دیں گے۔آئندہ سال 6 جونیئر فیوچر ایونٹس ہونگے۔ ٹورنامنٹ کے کوارٹر فائنل 22 فروری کو،سیمی فائنل 23 فروری کو جبکہ فائنل مقابلہ 24 فروری کو کھیلا جائے گا۔

جوہانسبرگ(سپورٹس لنک رپورٹ)جوہانسبرگ میں کھیلے جانے والے تین ٹی ٹوئنٹی میچوں کی سیریز کے پہلے کرکٹ میچ میں انڈیا نے میزبان جنوبی افریقہ کو 28 رنز سے شکست دے دی ہے۔

وانڈررز کے میدان پر کھیلے جانے والے اس میچ میں جنوبی افریقہ کی ٹیم 204 رنز کے ہدف کے تعاقب میں مقررہ 20 اوورز میں نو وکٹوں کے نقصان پر 175 رنز ہی بنا سکی۔

انڈیا کی طرف سے بھونیشور کمار نے عمدہ بولنگ کرتے ہوئے چار اوورو میں صرف 24 رنز دے کر پانچ کھلاڑیوں کو آؤٹ کیا۔

بھونیشور کے آخری اور جنوبی افریقہ کی اننگز کے 18ویں اوور میں تین کھلاڑی آؤٹ ہوئے۔

انڈیا کے دورہ جنوبی افریقہ کے بارے میں یہ بھی پڑھیے

جنوبی افریقہ کی جانب سے نوجوان اوپنر ریزا ہینڈرکس نے 70 رنز کی اننگز کھیلی لیکن وہ اپنی ٹیم کو جیت نہ دلا سکے۔ ہینڈرکس کے علاوہ بہاردین نے 39 رنز سکور کیے۔

اس سے قبل انڈیا نے پہلے بیٹنگ کرتے ہوئے مقررہ 20 اوورز میں پانچ وکٹوں کے نقصان پر 203 رنز بنائے۔

انڈیا کی جانب سے شکھر دھون نے 39 گیندوں پر 72 رنز کی اننگز کھیلی۔

میچ کے آغاز پر ٹاس جیت کر جنوبی افریقہ نے پہلے گیند بازی کا فیصلہ کیا لیکن انڈین بلے بازوں نے یہ فیصلہ غلط ثابت کر دیا۔

دھون کے علاوہ دیگر کھلاڑی لمبی اننگز تو نہ کھیل سکے لیکن انھوں نے انڈین اوپنر کا ساتھ دیا اور پہلی مرتبہ جنوبی افریقہ کے خلاف ٹی ٹوئنٹی میچوں میں 200 کا ہندسہ عبور کیا۔

جنوبی افریقہ کی جانب سے اپنا پہلا میچ کھیلنے والے سی جے ڈالا نے دو وکٹیں حاصل کیں۔

دورہ جنوبی افریقہکے دوران اس سے پہلے تین ٹیسٹ میچوں کی سیریز میں جنوبی افریقہ نے 2-1 سے کامیابی حاصل کی تھی جبکہ چھ ایک روزہ میچوں کی سیریز میں انڈیا نے جنوبی افریقہ کو باآسانی 5-1 سے ہرا دیا تھا۔

دوسرا ٹی ٹوئنٹی 21 فروری کو سنچورین جبکہ آخری ٹی ٹوئنٹی 24 فروری کو کیپ ٹاؤن میں کھیلا جائے گا۔

لاہور(سپورٹس لنک رپورٹ)سابق کپتان عامر سہیل نے بھارت کیخلاف کیس کو کمزور قرار دے دیا ، گزشتہ روز ایک ہاکی میچ کی اختتامی تقریب سے خطاب کرتے ہوئے انہوں نے کہاہاکی اب اپنے پاؤں پر کھڑی ہو رہی ہے ،شعیب اختر کو پی سی بی میں عہدہ ملا اچھی بات ہے کیونکہ کرکٹرز ہی کرکٹ کی بہتری کیلئے کام کرسکتے ہیں اور مزید کرکٹرز کو بھی بورڈ میں موقع فراہم کیا جا نا چاہئے ،انہوں نے کہا اگر پی ایس ایل کے کھلاڑیوں کو سکیورٹی دینی ہے تو پبلک کرنے کی ضرورت نہیں ، بھارت کے خلاف پی سی بی کا کیس کمزور ہے ا س لئے باہمی سیریز کے پیچھے نہیں بھاگنا چاہئے ،قبل ازیں نیشنل ہاکی سٹیڈیم میں نائن اے سائیڈ ہاکی ٹورنامنٹ کا فائنل میچ ہوا جس میں ایک کے مقابلے میں تین گول سے افضل منا کی ٹیم فا تح رہی۔فائنل میں افضل منا اور سعید انور کی ٹیموں کے درمیان کا نٹے کا مقابلہ ہوا جس میں افضل منا کی ٹیم کو کامیابی ملی جبکہ سعید انور کی ٹیم کو شکست کا سامنا کرنا پڑا ،فاتح ٹیم کی جانب سے سٹیڈیم میں جیت کی خوشی میں بھنگرے ڈالے گئے اس موقع پرقومی کرکٹ ٹیم کے سابق کپتان عامر سہیل کی جانب سے فاتح ٹیم میں ٹرافی اور ٹریک سوٹ تقسیم کئے گئے ۔بعدازیں سیکرٹری سپورٹس عامر جان کی جانب سے بھی ہا کی سٹیڈیم کا دورہ کیا گیا ۔ایونٹ آرگنا ئزر توقیر ڈار نے کہا جو قومیں اپنے ہیروکی قدر نہیں کرتیں وہ اپنا مقام نہیں بنا سکتیں ،ہمیں انٹرنیشنل ٹیموں کو پا کستان میں دعوت دینا ہو گی تاکہ پاکستان کا قومی کھیل دوبارہ زندہ ہو سکے ۔