عالمی کپ ہاکی ٹورنامنٹ کا فائنل ہالینڈ اور بیلجیئم کے درمیان ہوگا

بھوبھنیشور (سپورٹس لنک رپورٹ)ہاکی ورلڈ کپ 2018 کے سیمی فائنل میں ہالینڈ نے سنسنی خیز مقابلے کے بعد دفاعی چیمپیئن آسٹریلیا کو شکست دے کر عالمی کپ سے باہر کردیا جبکہ بیلجیئم نے انگلینڈ کو 0-6 کی عبرتناک شکست دے فائنل میں جگہ بنا لی۔

بھارت کے شہر بھوبھنیشور میں کھیلے جا رہے ایونٹ کے پہلے سیمی فائنل میں بیلجیئم کی ٹیم نے انگلینڈ کو آؤٹ کلاس کر کے 0-6 سے فتح حاصل کی۔

میچ کے 8ویں منٹ میں ٹام بون نے بیلجیئم کے لیے پہلا گول اسکور کیا جس کے بعد 19ویں منٹ میں سائمن گاؤگنارڈ نے گیند کو جال میں پہنچا برتری کو دگنا کردیا۔

How are you doing with your fantasy game? @Dream11 MVP from game 32 at Odisha #HWC2018 Bhubaneswar Belgium's Alexander Hendrickx 🇧🇪 ⭐
Check out how many points he earned you below!
Get ready for today's action & make your fantasy team – https://t.co/FxMLQA9PAJ pic.twitter.com/L9n2zp1GMo

— International Hockey Federation (@FIH_Hockey) December 15, 2018

میچ کے تیسرے کوارٹر میں بیلجیئم نے حملوں کی رفتار تیز کردی اور پھر 42ویں منٹ میں سیڈرک چارلیئر نے اپنی ٹیم کی برتری کو تین گنا کردیا جبکہ کوارٹر کے اختتامی مراحل میں الیگزینڈر ہینڈرکس کے گول کی بدولت بیلجیئم نے 0-4 کی برتری حاصل کر لی۔

انگلینڈ کی ٹیم ابھی 4 گول کے خسارے سے سنبھلی بھی نہ تھی کہ الیگزینڈر نے میچ میں دوسرا گول اسکور کر کے برتری 0-5 کردی جبکہ سباستین ڈوکیئر نے 53ویں منٹ میں چھٹا گول کر کے انگلینڈ کے تابوت میں آخری کیل ٹھونک دی۔

بیلجیئم نے میچ میں 0-6 سے فتح حاصل کر کے پہلی مرتبہ ورلڈ کپ فائنل میں پہنچنے کا اعزاز حاصل کر لیا۔

دن کے دوسرے سیمی فائنل میں ایونٹ کی دو بہترین ٹیموں نیدرلینڈز اور دفاعی چیمپیئن آسٹریلیا مدمقابل آئیں جس میں نیدرلینڈز نے اعصاب شکن معرکے کے بعد فتح اپنے نام کی۔

میچ کے نویں منٹ میں نیدرلینڈز کے گلین شورمین نے گیند کو گول میں پھینک کر اپنی ٹیم کو برتری دلائی جو پہلے کوارٹر کے اختتام تک برقرار رہی۔

What an incredible performance by @BELRedLions 🦁
Did you hear them roar? Odisha #HWC2018 Bhubaneswar
1st time in the World Cup Semi-Final now into the FINAL!!
ENG 0 BEL 6
Can anyone stop them?
📸FIH/@GettySport pic.twitter.com/ORpAZ6iaAs

— International Hockey Federation (@FIH_Hockey) December 15, 2018

میچ کے 20ویں منٹ میں نیدرلینڈز نے دوسرا گول اسکور کیا اور ہاف ٹائم کے اختتام تک ہالینڈ کو میچ میں دو گول کی برتری حاصل تھی۔

ہالینڈ کی یہ برتری تیسرے کوارٹر کے اختتام تک بھی برقرار رہتی لیکن میچ کے 44ویں منٹ میں آسٹریلیا نے پینالٹی کارنر پر گول کر کے خسارہ کم کردیا۔

خسارہ کم کرنے کے بعد آسٹریلیا نے نیدرلینڈز کے خلاف گول اسکور کرنے کے لیے تابڑ توڑ حملے کیے اور انہیں اس شاندار کارکردگی کا صلہ اس وقت ملا جب میچ کے اختتام سے 26سیکنڈ قبل آسٹریلیا نے گول کر کے مقابلہ برابر کردیا۔

مقررہ وقت تک مقابلہ 2-2 سے برابر رہنے کے بعد میچ کا فیصلہ پینالٹی اسٹروک پر کرنے کا فیصلہ کیا گیا جس میں ہالینڈ نے سنسنی خیز مقابلے کے بعد چھٹے پینالٹی اسٹروک پر گول کر کے 3-4 سے فتح حاصل کی اور فائنل میں پہنچنے کا اعزاز حاصل کر لیا۔

Blaak sweeps away @RealDealBeale23's chance & we're beaten 4-3 in the shootout… #HWC2018 #PrideOfTheKookas

🇦🇺 ❌✔️✔️❌✔️❌
🇳🇱 ✔️❌❌✔️✔️✔️

— Kookaburras (@Kookaburras) December 15, 2018

نیدرلینڈز کی فتح کے ساتھ آسٹریلیا کا ورلڈ کپ کی فتوحات کی ہیٹ ٹرک مکمل کرنے کا اعزاز حاصل کر لیا۔

ہاکی ورلڈ کپ کا فائنل اتوار 16 دسمبر کو کلنگا اسٹیڈیم میں بیلجیئم اور نیدرلینڈز کے درمیان کھیلا جائے گا۔