انگلینڈ میں پاکستان ٹیم کی کامیابی مشکل،باسط علی

لاہور(سپورٹس لنک رپورٹ)سابق ٹیسٹ کرکٹر باسط علی کا کہنا ہے کہ پاک انگلینڈ سیریز میں انگلینڈ ہارٹ فیورٹ ہوگا۔ سابق کرکٹر باسط علی نے ویڈیو لنک کے ذریعے گفتگو کرتے ہوئے کہا کہ اگر سیریز میں پاکستان چالیس پوائنٹس بھی لے لے تو بڑی کامیابی ہوگی

پاکستان کی ٹیم نوجوان کھلاڑیوں پر مشتمل ہے کامیابی مشکل ہوگی ۔ باسط علی نے کہا کہ بطور سابق کرکٹر اور پاکستانی خواہش ہے کہ پاکستانی ٹیم کامیابی حاصل کرے، پاکستانی ٹیم تماشائیوں کے بغیر کھیلنے کی عادی ہے، تماشائی نہ ہونے کا انگلینڈ کو زیادہ نقصان ہوگا۔ باسط نے مزید کہا کہ دیکھنا ہو گا کہ ٹیم انگلینڈ میں مصباح اور یونس کے بغیر کیسا پرفارم کرتی ہے ۔