پی ایس ایل 7: اُمید ہے ہر ٹیم آخری گیند تک لڑے گی، وزیراعظم کا ویڈیو پیغام

پاکستان سپر لیگ (پی ایس ایل) سیون کے آغاز کے لیے وزیراعظم عمران خان کا ویڈیو پیغام جاری کردیا گیا پی ایس ایل 7 کیلئے  وزیر اعظم کا خصوصی ویڈیو پیغام پہلے سوشل میڈیا پر لیک ہوا جس کے بعد پھر تحریک انصاف کے آفیشل ٹوئٹر اکاؤنٹ سے شئیر کردیا گیا۔

پیغام میں وزیر اعظم نے اُمید کا اظہار کیا ہے کہ ہر ٹیم آخری گیند تک لڑے گی پاکستان تحریک انصاف کے ٹوئٹر اکاؤنٹ سے شیئر کی جانے والی ویڈیو میں دیکھا جاسکتا ہے کہ پاکستان کرکٹ بورڈ کے چیئر مین رمیز راجہ وزیراعظم ہاؤس پہنچتے ہیں رمیز راجہ وزیر اعظم سے کہتے ہیں کہ وقت ہوگیا ہے ،جس پر عمران خان اٹھتے ہیں اور پاکستان سپر لیگ کا آغاز  کرنے کا اعلان کرتے ہیں۔

وزیراعظم @ImranKhanPTI کا PSL کے حوالے سے پیغام #LevelHai pic.twitter.com/wIQvbACBC3

— PTI (@PTIofficial) January 25, 2022

عمران خان نے ویڈیو پیغام میں کہا کہ مجھے اُمید ہے کہ ہر ٹیم آخری گیند تک لڑے گی اور عوام کو انٹرٹین کرے گی واضح رہے کہ پاکستان سپر لیگ کے ساتویں ایڈیشن کا آغاز 27 جنوری سے ہورہا ہے