بابر اور رضوان ورلڈ نمبر ون اور ٹو ہیں سلمان بٹ .

سلمان بٹ نے کہا ہے کہ بابر اعظم کی کپتانی اسٹیٹس کو نہیں، ایسا کہنا سیاسی جملہ ہے، بابر اور رضوان ورلڈ نمبر ون اور ٹو ہیں۔

انہوں نے کہا کہ بابر اور رضوان ٹیم کو کئی میچ جتوا چکے ہیں، اگر دونوں کبھی اسکور نہیں کرتے تو انہیں سپورٹ کرنا ہے اور ریڈ لائن نہیں دکھانی۔

سلمان بٹ نے کہا کہ اسٹرائیک ریٹ کے بجائے کامیابی اور نتائج کو دیکھنا چاہیے۔

انہوں نے مزید کہا کہ صائم ایوب نچلے نمبروں پر اچھا کھیلتے ہیں، وہ کنٹرولڈ بیٹنگ کرتے ہیں اور جہاں مارتے ہیں شاٹ وہیں جاتا ہے۔