آئی سی سی چیمپئنز ٹرافی۔ راولپنڈی کرکٹ سٹیڈیم مین پویلین اور میڈیا باکسز کی اپ گریڈیشن کا کام مکمل

آئی سی سی چیمپئنز ٹرافی۔

راولپنڈی کرکٹ سٹیڈیم مین پویلین اور میڈیا باکسز کی اپ گریڈیشن کا کام مکمل،

انکلوژرز میں کرسیوں کی تنصیب کا کام آخری مرحلے میں

چئیرمین پی سی بی محسن نقوی کا راولپنڈی کرکٹ سٹیڈیم کا دورہ، پراجیکٹ پر پیش رفت کا جائزہ لیا

پویلین، میڈیا باکس، وی آئی پی باکسز سمیت سٹیڈیم کے مختلف حصوں کا معائنہ کیا۔ اپ گریڈیشن پراجیکٹ پر پیش رفت پر اطمینان کا اظہار

میگا ایونٹ کے شاندار انعقاد کے لیے تمام تیاریاں مکمل ہیں۔

چیمپئنز ٹرافی ایونٹ کو یادگار بنائیں گے۔ محسن نقوی

راولپنڈی 29جنوری، 2025 ؛ نوازگوھر

آئی سی سی چیمپئنز ٹرافی ٹورنامنٹ۔ راولپنڈی کرکٹ سٹیڈیم مین پویلین اور میڈیا باکسز کی اپ گریڈیشن کا کام مکمل کر لیا گیا ہے جبکہ انکلوژرز میں کرسیوں کی تنصیب کا کام آخری مرحلے میں ہے۔

چئیرمین پاکستان کرکٹ بورڈ محسن نقوی نے راولپنڈی کرکٹ سٹیڈیم کا دورہ کیا اور اپ گریڈیشن پراجیکٹ پر پیش رفت کا جائزہ لیا۔چیئرمین پی سی بی محسن نقوی نے پویلین، میڈیا باکس، وی آئی پی باکسز سمیت سٹیڈیم کے مختلف حصوں کا معائنہ کیا

اور فنشنگ ورک کا مشاہدہ کیا۔چئیرمین پی سی بی محسن نقوی نے اپ گریڈیشن پراجیکٹ پر پیش رفت پر اطمینان کا اظہار کیا۔ چیئرمین پی سی بی محسن نقوی نے کہا کہ راولپنڈی کرکٹ سٹیڈیم کی تزئین و آرائش کا کام آخری مراحل میں داخل ہوچکا ہے۔

مین پویلین اور میڈیا باکس کی تزئین و آرائش کا کام مکمل ہوچکا ہے۔کرسیوں کی تنصیب آخری مرحلے میں ہے، جسے چند روز میں مکمل کر لیا جائے گا۔چیئرمین پی سی بی محسن نقوی نے ٹیموں کے لئے مجوزہ سیکورٹی انتظامات کا بھی جائزہ لیا۔

چیئرمین پی سی بی محسن نقوی نے کہا کہ طویل عرصے بعد پاکستان میں آئی سی سی ٹورنامنٹ کا انعقاد ہو رہا ہے۔میگا ایونٹ کے شاندار انعقاد کے لیے تمام تیاریاں مکمل ہیں۔چیمپئنز ٹرافی ایونٹ کو یادگار بنائیں گے۔

امید ہے شائقین کرکٹ کو بہترین کرکٹ دیکھنے کو ملے گی۔19 فروری سے شروع ہونے والی چیمپئنز ٹرافی میں راولپنڈی سٹیڈیم میں 3 میچ کھیلے جائیں گے ۔

24 فروری کو بنگلہ دیش کا نیوزی لینڈ، 25 فروری کو آسٹریلیا کا جنوبی افریقہ اور 27 فروری کو پاکستان کا مقابلہ بنگلہ دیش سے ہوگا۔