چیمپئنز ٹرافی کیلئے افغانستان نے کٹ کی رونمائی کردی
کابل ; آئی سی سی چیمپئنز ٹرافی کے لیے افغانستان کرکٹ ٹیم نے اپنی کٹ کی رونمائی کردی۔ افغانستان کرکٹ بورڈ کی جانب سے جاری کی گئی ویڈیو میں افغانستان کے قدیم اور تاریخی جام مینار کو دکھایا گیا ہے ۔
عالمی ثقافتی ورثہ میں شامل جام مینار تقریباً 800 سال سے قائم ہے اور تاریخی شہر فیروزکو میں ہریرود دریا کے کنارے واقع ہے ، یہ 65 میٹر بلند اور 9 میٹر قطر کے ساتھ، یہ افغانستان کے ورثے کی علامت ہے ۔
افغان بورڈ نے ویڈیو کے کیپشن میں لکھا کہ جرسی کا ڈیزائن نسخ خطاطی کا آرٹ شامل ہے جو ہمارے تاریخی جام مینار کے شاندار ثقافتی ورثے کا حصہ ہے ۔
افغان ٹیم جب میدان میں اترے گی تو اتحاد کے ساتھ ہوگی جو قوم کے عزم کی عکاسی بھی ہوگی، ٹیم تاریخ رقم کرے گی اور عالمی سطح پر افغانستان کا نام روشن کرے گی۔
افغانستان ٹیم ٹورنامنٹ میں اپنا پہلا میچ 21 فروری کو جنوبی افریقہ سے کھیلے گی ۔
