آئی سی سی چیمپئنز ٹرافی کیلئے ایمبیسیڈر کی تقرری کردی گئی ہے۔
تفصیلات کے مطابق پاکستان کے سابق کپتان سرفراز احمد چیمپئنز ٹرافی کے ایمبیسیڈر مقررکیے گئے ہیں۔
شیکر دھون اور ٹم ساؤتھی بھی چیمپئنز ٹرافی کے ایمبیسیڈر مقرر کیے گئے ہیں۔ آسٹریلیا کے شین واٹسن کو بھی ایونٹ کا ایمبیسیڈر بنایا گیا ہے۔
آئی سی سی چیمپئنز ٹرافی کے ایمبیسیڈرز ایونٹ کے دوران میچز پر اپنی رائے دیں گے۔
سرفراز احمد نے اپنے بیان میں کہا ہے کہ چیمپئنز ٹرافی کی جیت کا لمحہ میں کبھی نہیں بھول سکتا۔2017 کی چیمپئنز ٹرافی کی جیت کے بعد پوری قوم ہمارے ساتھ کھڑی تھی۔
چیمپئنز ٹرافی کی جیت کا جشن ہمیشہ میرے دل کے قریب رہے گا۔کرکٹ کیلنڈر میں چیمپئنز ٹرافی کی واپسی اور اتنے سپیشل ایونٹ کی میزبانی پاکستان کو ملنے پر خوشی ہے۔
اس فارمیٹ کا مطلب ہے کہ اس میں ہر میچ اہم ہے۔بطور ایمبیسیڈر اپنا رول ادا کرنے کیلئے بیتاب ہوں۔
شیکھردھون نے اپنے پیغام میں کہا کہ چیمپئنز ٹرافی کا ایمبیسیڈر بننا میرے لیے ایک خاص احساس ہے۔اگلے چند ہفتوں میں دنیائے کرکٹ کی بہترین ٹیمیں وائٹ جیکٹ کے لیے مقابلہ کرتی نظر آئیں گی۔
ٹم ساؤتھی نے اپنے بیان میں کہا کہ بطور کھلاڑی آپ کو پتہ ہوتا ہے کہ چیمپئنز ٹرافی میں ہر میچ، ہر گیند اہم ہوتی ہے۔
شین واٹسن نے کہا کہ چیمپئنز ٹرافی ایک منفرد ایونٹ ہے جس نے ہمیں کئی یادگار لمحات دیے۔
