چیمپین ٹرافی میں سب سے زیادہ رنز بنانے کا اعزاز کس کھلاڑی کے پاس ؟
لاہور ; چیمپئنز ٹرافی کے اب تک ہونے والے ٹورنامنٹس میں سب سے زیادہ رنزبنانے کا اعزاز ویسٹ انڈیز کے کرس گیل کے پاس ہے ۔
انہوں نے چیمپئنز ٹرافی کے 17میچ کھیلے اور 52.73کی اوسط کے ساتھ 791رنز بنائے ، جس میں 3سنچریاں اور ایک نصف سنچری شامل ہے ۔
دوسرے نمبرپرسری لنکا کے مہیلا جے وردھنے نے 2000سے 2013کے دورانچیمپئنزٹرافی کے 22میچز کھیلے اور 21اننگز میں 41.22کی اوسط سے 742رنز بنا جن میں 5نصف سنچریاں بھی شامل ہیں
جبکہ تیسرے نمبرپربھارت کے بائیں ہاتھ سے بیٹنگ کرنے والے شیکھر دھون نے 2013سے 2017کے دوران چیمپئنز ٹرافی کے صرف دو ٹورنامنٹس میں 10میچز کھیلے اور 77.88کی غیرمعمولی اوسط کے ساتھ 701رنز بنائے ،
جس میں 3سنچریاں اور دو نصف سنچریاں شامل ہیں۔ چوتھے نمبرپرسری لنکاکے کمار سنگاکارا ،پانچویں نمبرپربھارت کے ساروگنگولی ، چھٹے نمبرپرجنوبی افریقہ کے جیکس کیلس ،ساتویں نمبرپربھارت کے راہول ڈریوڈ ،
آٹھویں نمبرپرآسٹریلیاکے رکی پونٹنگ ،نویں نمبرپرویسٹ انڈیزکے شیونرائن چندرپال اوردسویں نمبرپر سری لنکاکے سنتھ جے سوریا ہیں ۔
