کراچی میں ہونے والے چیمپئنز ٹرافی کے میچزسےمتعلق شائقینِ کرکٹ کیلئےضروری ہدایات جاری کردی گئیں۔
انتظامیہ کی جانب سے جاری ہدایات کے مطابق سٹیڈیم سے متصل چائنہ گراؤنڈ، نیشنل کوچنگ سینٹر اور ایکسپو سینٹر گاڑیوں اور موٹرسائیکلوں کی پارکنگ کے لیے مختص کیا گیا ہے جبکہ وی آئی پیزاور خصوصی پاسز کی حامل گاڑیوں کی پارکنگ سٹیڈیم کےاندررکھی گئی ہے۔
سٹیڈیم کےاطراف تمام سڑکیں ٹریفک کی آمدورفت کے لیے کھلی رہیں گی، سرشاہ سلیمان روڈ استعمال کرنے والی عوام الناس کسی بھی زحمت سے بچنے کیلئے میچ کےدوران متبادل راستہ اختیار کریں، صرف وی آئی پیز اوراسٹیکر/پاسز کی حامل گاڑیاں گیٹ نمبر 8 سے داخل ہوسکیں گی۔
شائقینِ کرکٹ سٹیڈیم میں داخلے کیلئے مرکزی گیٹ اورگیٹ نمبر 04، 05، 06، 12، 13 اور 14 استعمال کرسکتے ہیں، تمام تماشائیوں کو داخلی دروازوں پر سیکیورٹی چیکنگ سے گزاراجائے گا،
کسی بھی قسم کی پریشانی و زحمت سے بچنے کے لیے میچ شروع ہونے سے قبل تشریف لائیں۔
نیشنل بینک سٹیڈیم کے تمام گیٹ میچ کے شروع ہونے سے 3 گھنٹے پہلے کھول دیے جائیں گے،
سٹیڈیم میں داخل ہونے کے لیے اپنا اصل قومی شناختی کارڈ لازمی ہمراہ لائیں سٹیڈیم میں داخل ہونے کے لیے فزیکل میچ ٹکٹ اصل میچ ٹکٹ کی ہارڈ کاپی کا ہونا لازمی ہے آن لائن ٹکٹس پر سٹیڈیم میں داخلہ ممکن نہیں ہوگا ،
سٹیڈیم اور اسکے اطراف میں ہر قسم کے ڈرون کیمروں کے استعمال پر سخت پابندی ہوگی۔
