پاک بھارت میچ میں کچھ خاص کرنے کی کوشش کریں گے: عاقب جاوید
دبئی : قومی کرکٹ ٹیم کے ہیڈ کوچ عاقب جاوید نے کہا ہے کہ پاک بھارت میچ میں کچھ خاص کرنے کی کوشش کریں گے۔ یواے ای کے شہر دبئی میں میڈیا سے گفتگو کرتے ہوئے عاقب جاوید کا کہنا تھا کہ قومی ٹیم بہت متوازن ہے،
اچھی کارکردگی کا مظاہرہ کرے گی، پاکستان کے کھلاڑی یہاں کی کنڈیشنز سے واقف ہیں، پاکستان کےتمام کھلاڑی دبئی میں لیگز اور پی ایس ایل کھیل چکے ہیں۔
انہوں نے کہا کہ ہمارے پاس دنیا کے بہترین فاسٹ باؤلر ہیں، پاک بھارت میچ ہی دباؤ کا نام ہے، دباؤ برداشت کرنا ہی کھلاڑیوں کا کام ہے، بھارت کے خلاف کچھ خاص کرنے کی کوشش کریں گے، میچ میں سٹیڈیم خالی بھی کردیں تو دباؤ رہے گا۔
ایک اور سوال کے جواب میں قومی ٹیم کے ہیڈ کوچ کا کہنا تھا کہ فخر زمان کا ٹیم نے باہر ہونا بڑا دھچکا ہے، وہ ہمارا میچ وننگ کھلاڑی ہے۔
عاقب جاوید نے مزید کہا کہ ہم نے سوچ سمجھ کر ٹیم منتخب کی ، میدان میں ہر کھلاڑی کو ٹیلنٹ دکھانے کا موقع ملتا ہے، قومی ٹیم پاک بھارت میچ کو انجوائے کرے۔
