شاٹ سلیکشن خراب تھی جس کا نقصان ہوا،محمد رضوان
قومی کرکٹ ٹیم کے کپتان محمد رضوان کا کہنا ہے کہ بھارتی بالرز نےاچھی بالنگ کی،ہم نے ٹاس جیتا لیکن فائدہ نہ اٹھا سکے۔
میچ کے بعد پریس کانفرنس کرتے ہوئے انہوں نے کہا کہ سوچا تھا280کے قریب رنز بنائیں گےمگر ایسا نہ ہو سکا، سعود شکیل اورمیری شراکت اچھی چل رہی تھی،ہماری شاٹ سلیکشن خراب تھی جس کا نقصان ہوا۔
پریشر بھی تھا، مڈ اننگز میں اچھا کھیلنے کی کوشش کی،ہمیں اپنی فیلڈنگ بہتر کرنی ہو گی،آج بھی کافی کیچ چھوٹے، گزشتہ میچ میں بھی یہی ہوا تھا۔ ایک ہی غلطی بار بار ہو رہی ہے،کوشش ہوگی ایسی غلطیوں پر قابو پائیں۔
واضح رہے کہ بھارت نے چیمپیئنز ٹرافی کے اہم میچ میں پاکستان کو شکست دے دی ہے، جس کے بعد قومی ٹیم کی اگلے راؤنڈ میں رسائی مشکل ہوگئی ہے۔
پاکستانی ٹیم نے پہلے بیٹنگ کرتے ہوئے بھارت کو 242 رنز کا ہدف دیا تھا، جو اس نے 42.3 اوورز میں 4 وکٹوں کے نقصان پر حاصل کرلیا۔
