انٹرنیشنل کرکٹ کونسل نے پاکستان کرکٹ بورڈ کو چیمپئنز ٹرافی کے کامیاب انعقاد پر مبارکباد دی ہے۔
آئی سی سی چیف ایگزیکٹو نے کہا کہ ایونٹ کے انعقاد میں شامل تمام افراد سٹیڈیم کی تزئین و آرائش، پچز کی تیاری شاندار تھی،میچز کی میزبانی اور ٹیموں و شائقین کے استقبال میں شامل ہر شخص کو اپنی محنت پر فخر ہونا چاہیے۔
خیال رہے کہ چیمپینز ٹرافی 19 فروری سے 9 مارچ تک پاکستان اور دبئی میں کھیلی گئی،
یہ 1996 کے بعد پاکستان میں منعقد ہونے والا پہلا عالمی ملٹی ٹیم ایونٹ تھا،یہ ایونٹ پی سی بی کیلئےانتہائی اہمیت کا حامل تھا،آئی سی سی امارات کرکٹ بورڈ کا بھی شکریہ ادا کرتا ہے۔
پاکستان نے 1996 کے بعد پہلی مرتبہ کسی عالمی کرکٹ ایونٹ کی میزبانی کی۔ چیمپیئنز ٹرافی کے میچز کراچی، لاہور، راولپنڈی اور دبئی میں کھیلے گئے۔
واضح رہے کہ چیمپئنز ٹرافی کا میزبان پاکستان تھا تاہم بھارتی ٹیم پاکستان نہیں آئی اور اپنے میچ دبئی میں کھیلے،فائنل میں بھارت فاتح رہا۔
