چیمپیئنز ٹرافی: پاک بھارت میچ انڈیا کی تاریخ میں سب سے زیادہ دیکھے جانے والا میچ قرار

چیمپیئنز ٹرافی: پاک بھارت میچ انڈیا کی تاریخ میں سب سے زیادہ دیکھے جانے والا میچ قرار

آئی سی سی چیمپیئنز ٹرافی میں پاکستان اور بھارت کے میچ کو انڈیا کی تاریخ میں سب سے زیادہ دیکھے جانے والا ون ڈے میچ قرار دیا گیا ہے۔

اس میچ نے ورلڈکپ 2023 سے 23 فیصد زائد ویورشپ حاصل کرکے انڈیا میں کرکٹ کی تاریخ کا یہ منفرد ریکارڈ حاصل کیا۔

آئی سی سی کے مطابق اسٹار اسپورٹس پر اس میچ کی براہ راست نشریات کو 137 ارب جبکہ جیو ہاٹ اسٹار چینل پر 110 ارب منٹس کا ’واچ ٹائم‘ مل گیا جو انڈیا کی تاریخ میں ایک ریکارڈ ہے۔

آئی سی سی کے بیان کے مطابق اس ایونٹ کے فائنل میں بھارت اور نیوزی لینڈ کے درمیان میچ کو 230 ملین لوگوں نے مختلف پلیٹ فارم پر دیکھا اور اسے 53 ارب منٹس کا واچ ٹائم حاصل ہوا۔

جیو ہاٹ اسٹار کے سربراہ سنجوگ گپتا نے کہا ہے کہ یہ کامیابی اس بات کا نتیجہ ہے کہ ہم نے کھیلوں کے لیے وسیع اور مختلف پلیٹ فارمز فراہم کی ہیں، جبکہ اس میں ہماری اعلیٰ ٹیکنالوجی کی صلاحیتوں نے بھی اہم کردار ادا کیا۔

انہوں نے کہا کہ بھارت کی ٹائٹل اپنے نام کرنے کی ناقابل شکست مہم نے شائقین کے جوش و خروش کو مزید بڑھایا اور فائنل کے لیے ناظرین کی تعداد میں اضافہ کیا۔