سعودی عرب میں بھی چھکوں اور چوکوں کی بارش کی منصوبہ بندی کی جانے لگی۔

سعودی عرب کی حکومت نے مبینہ طور پرمہنگی ترین لیگ کے لئے انڈین پریمیئر لیگ کے مالکان کے ساتھ بات چیت کی ہے۔

نائن کی رپورٹ کے مطابق سعودی حکام نے ٹی ٹوئنٹی کرکٹ کی مہنگی ترین لیگ کو اپنا اگلا منصوبہ قرار دیا ہے، رپورٹ کے مطابق سعودی عرب میں لیگ کے حوالے سے بات چیت ایک برس پہلے شروع ہوئی تھی۔

سعودی عرب نہ تو فارمولا 1 گرینڈ پرکس کے ذریعے کھیلوں کے منصوبوں سے مطمئن ہے اور نہ ہی LIV گالف میں کی گئی سرمایہ کاری سے، سعودی عرب اگلے پراجیکٹ میں دنیا کے مہنگے ترین ٹی ٹوئنٹی ٹورنامنٹ کے بارے میں سوچ رہا ہے۔

بھارتی کھلاڑیوں پر اپنے بورڈ کی جانب سے دیگر لیگز میں شرکت پر پابندی ہے اور سعودی عرب حکام کی تجویز کے بعد قوانین میں نرمی کیے جانے کا امکان ہے۔