یہ کہنا آسان ہوتا ہے کہ دباؤ نہیں ہوگا۔لیکن حقیقت یہ ہے کہ ہر کھلاڑی دباؤ محسوس کرتا ہے‘ شبمن گل
دبئی : بھارتی کرکٹ ٹیم کے نائب کپتان شبمن گل نے کہا ہے کہ یہ کہنا آسان ہوتا ہے کہ دباؤ نہیں ہوگا۔ لیکن حقیقت یہ ہے کہ بڑے میچ میں ہر کھلاڑی دباؤ محسوس کرتا ہے۔ چیمپئنز ٹرافی کے فائنل سے ایک دن قبل پریس کانفرنس میں ان کاکہناتھا۔
چمپئنز ٹرافی کا فائنل وہی ٹیم جیتے گی جو دباؤ سے بہتر طور پر نمٹے گی۔ شبمن گل کا کہنا تھاکہ ہم بھارت میں ورلڈکپ کا فائنل ہار چکے ہیں لیکن اس بار پوری ٹیم ایک روزہ ٹورنامنٹ جیتنے کے لیے مکمل تیارہے،
ٹیم کا ماحول بہت زبردست ہے اور تمام کھلاڑی پرعزم ہیں۔انہوں نے کہا کہ ’یہ کہنا آسان ہوتا ہے کہ دباؤ نہیں ہوگا۔لیکن حقیقت یہ ہے کہ ہر کھلاڑی دباؤ محسوس کرتا ہے‘۔
ان کا کہنا تھاکہ بڑے میچ کا دباؤ ہمیشہ رہتا ہے لیکن تجربہ کارکھلاڑی دباؤ سے نمٹنے میں کامیاب ہوتے ہیں۔شبمن نے تسلیم کیا کہ آسٹریلیا کا بولنگ اٹیک زیادہ مضبوط نہیں تھا لیکن بھارتی ٹیم نے سیمی فائنل کے دباؤ میں وکٹیں گنوائیں تھیں۔
بھارتی ٹیم کی بیٹنگ لائن اپ کو اس وقت دنیا کی مضبوط ترین بیٹنگ لائن اپ قرار دیتے ہوئے نے مزید کہاکہ ہماری کوشش ہوتی ہے کہ میچ کی صورتحال کے مطابق کھیلیں بطوربیٹسمین میں ہمیشہ موقع کی مناسبت سے شاٹس کھیلنے کی کوشش کرتا ہوں۔
چیمپئنز ٹرافی کے فائنل سے قبل پریس کانفرنس کرتے ہوئے شبمن گل کہنا تھا کہ کوشش ہوگی فائنل میں بھی اچھا کھیل پیش کریں، پوری ٹیم کے اندر بہترین ہم آہنگی ہے جبکہ دبئی کا موسم تبدیل ہوگیا، گرمی کے باعث وکٹ سلو رہنے کاامکان ہے۔
بھارتی نائب کپتان نے کہا کہ دبئی کنڈیشن سے واقف ہیں، پچ ویسی ہی ہوگی، روہت شرما ریٹائرمنٹ پر ابھی غور نہیں کر رہے، ساری توجہ چیمپئنزٹرافی کا فائنل جیتنے پر ہے۔
انہوں نے کہا کہ بڑے میچ کا دباؤ ہمیشہ رہتا ہے لیکن تجربہ کار کھلاڑی دباؤ سے نمٹنے میں کامیاب ہوتے ہیں، آسٹریلیا کا باؤلنگ اٹیک زیادہ مضبوط نہیں تھا لیکن بھارتی ٹیم نے سیمی فائنل کے دباؤ میں وکٹیں گنوائیں تھیں۔
خیال رہے آئی سی سی چیمپئنزٹرافی 2025 کے فائنل کا فیصلہ کل ہوگا، بھارت اور نیوزی لینڈ کی ٹیمیں دبئی میں ایک دوسرے پر جھپٹیں گی،بھارت نے سیمی فائنل میں آسٹریلیا کو ہرایا جبکہ نیوزی لینڈ نے پروٹیز کو زیر کیا تھا۔
