مانچسٹر(سپورٹس لنک رپورٹ)پاکستان ٹی ٹوئنٹی ٹیم کے کپتان بابر اعظم کا کہنا ہے کہ انہیں کور ڈرائیو کھیلنا بہت اچھا لگتا ہے جسے بہتر کرنے کے لیے انہوں نے بہت محنت کی ہے۔
بابراعظم نے کہا کہ جب انہوں نے پروفیشنل کرکٹ شروع کی تو کور ڈرائیو کی بہت پریکٹس کی۔
انہوں نے کہا کہ پریکٹس میں سارے اسٹروک کھیلتا تھا لیکن کور ڈرائیو سے زیادہ مطمئن ہوتا تھا، اسی کوشش میں کئی بار آؤٹ بھی ہوا، لیکن وقت کے ساتھ پرفیکشن آ گئی۔
بابر اعظم نے کہا کہ بہت سے لوگ کور ڈرائیو کے بارے میں پوچھتے ہیں اور تعریف کرتے ہیں تو بہت فخر محسوس ہوتا ہے۔
