SportsLink PK Latest Sports News in Urdu
راولپنڈی(سپورٹس لنک رپورٹ)قومی کراٹے ٹیم نے 13ویں سائوتھ ایشین گیمز میں پاکستان کیلئے 2گولڈ سمیت 9میڈلز جیت لئے ۔ نیپال کے شہرکٹھمنڈو میں جاری کھیلوں میں پاکستان کی جانب سے شاہدہ عباسی اور اویس نے گولڈ میڈلزحاصل کرکے میڈل ٹیبل پر گرین شرٹس کو چوتھی پوزیشن پر پہنچادیا۔ کراٹے مقابلوں میں پاکستان کی جانب سے شاہدہ نے سنگل کاتا اوراویس نے مائنس 84کلوگرام کیٹیگری میں گولڈ میڈل جیتے ۔ بازمحمد نے 84کلوگرام، نعمت اللہ نے سنگل کاتا جبکہ نازگل، نرگس اورشاہدہ نے ٹیم کاتا میں سلور میڈلز اپنے نام کئے ۔ اقرا، صابرہ ، مراد جبکہ نصیر اورنعمت اللہ نے ٹیم کاتا میں برانز میڈلز حاصل کئے ۔