کونسا کیوی کرکٹر پاکستان کیخلاف ٹی ٹوئنٹی سیریز سے باہر ہو گیا؟

کرائسٹ چرچ (سپورٹس لنک رپورٹ)نیوزی لینڈ نے پاکستان کے خلاف ٹی ٹوئنٹی سیریز کےلیے ٹیم کا اعلان کردیا۔فاسٹ بولر لوکی فرگوسن انجری کی وجہ سے پاکستان کے خلاف ٹی ٹوئنٹی سیریز سے آوٹ ہوگئے جب کہ ہیمیش بینیٹ بھی ان فٹ ہوگئے ہیں۔ویسٹ انڈیز کے خلاف دوسرے ٹیسٹ میں شریک چار کرکٹر اور کپتان کین ولیمسن پہلا ٹی ٹوئنٹی نہیں کھیلیں گے۔

اس کے علاوہ ٹرینٹ بولٹ، ٹم ساوتھی، کائل جیمی سن، ڈیرل مچل دوسرے ٹیسٹ میں مصروفیات اور کین ولیم سن گھریلو مصروفیات کی وجہ سے پہلا میچ نہیں کھیلیں گے۔پاکستان کے خلاف پہلے ٹی ٹوئنٹی میں مچل سینٹنر نیوزی لینڈ ٹیم کی قیادت کریں گے جب کہ دوسرے اور تیسرے ٹی ٹوئنٹی میں کین ولیمسن کپتان ہوں گے۔