طالبان کرکٹ کو سپورٹ کر رہے ہیں، شاہد آفریدی

قومی ٹیم کے سابق کپتان اور اسٹار آل رائونڈر شاہد خان آفریدی کا کہنا ہے کہ اس بار افغان طالبان بہت مثبت سوچ کے ساتھ آئے ہیں۔شاہد خان آفریدی کی ایک ویڈیو سوشل میڈیا پر وائرل ہو رہی ہے جس میں وہ میڈیا نمائندوں سے گفتگو کے دوران افغانستان سے متعلق بات کر رہے ہیں۔ایک سوال کے جواب میں شاہد آفریدی کہہ   اس بار افغانستان میں طالبان بہت مثبت سوچ کے ساتھ آئے ہیں۔شاہد آفریدی نے مزید کہا کہ یہ چیزیں ہمیں پہلے نظر نہیں آئیں لیکن اب بہت اچھی چیزیں نظر آ رہی ہیں جیسے خواتین کو کام کرنے کی اجازت اور انہیں سیاست کی اجازت ہے۔قومی ٹیم کے سابق کپتان نے مزید کہا کہ اس کے علاوہ طالبان کرکٹ کو سپورٹ کر رہے ہیں کیونکہ وہ کرکٹ کو بہت پسند کرتے ہیں۔