شاہین شاہ آفریدی نے محمد رضوان کو سپرمین قرار دیدیا

پاکستان کرکٹ ٹیم کے فاسٹ بالر شاہین شاہ آفریدی نے وکٹ کیپر بیٹسمین محمد رضوان کو کرکٹ کی دنیا کا سپر مین قرار دے دیا۔محمد رضوان کی سالگرہ کے موقع پر شاہین شاہ آفریدی نے سماجی رابطے کی ویب سائٹ ٹوئٹر پر ساتھی کھلاڑی کے لئے پیغام لکھا کہ رضی بھائی پر آکر سب کچھ ختم ہوجاتا ہے، اس سے زیادہ ان کی تعریف کے لئے میرے پاس الفاظ نہیں۔شاہین شاہ آفریدی نے اپنے پیغام میں محمد رضوان کو مخاطب کرتے ہوئے لکھا کہ آپ سپر اسٹار کرکٹر ہونے کے ساتھ ساتھ بہت اچھے انسان بھی ہیں۔