خیبرپختونخواہ کی انٹر ڈویژنل خواتین چک بال چمپئن شپ سیاحتی مقام بٹہ کنڈی میں شروع ہوگئی

خیبرپختونخواہ چک بال ایسوسی ایشن کے زیراہتمام خیبرپختونخوا انٹر ڈویژنل ویمن چک بال چیمپئن شپ شروع ہوگئی جس میں سات ٹیمیں ڈیرہ اسماعیل خان، بنوں، کوہاٹ، مردان، پشاور، سوات اور ہزارہ کی خواتین ٹیمیں حصہ لے رہی ہیں۔مانسہرہ کے سیاحتی مقام خوبصورت وادی ناران بٹہ کنڈی میں منعقدہ اس ایونٹ میں سیکرٹری سپورٹس محمد طاہراورکزئی مہمان خصوصی تھے جنہوں نے چیمپئن شپ کا باقاعدہ افتتاح کیا۔انکےصدر خیبرپختونخوا چک بال ایسوسی ایشن وسابق انٹرنیشنل ایتھلیٹ محمد اقبال، چیئرمین ایسوسی ایشن واجیہہ اللہ،سیکرٹری عبدالرشید انور، ریجنل سپورٹس افیسر ہزارہ احمدزمان،صدر وومن ونگ نجمہ قاضی،ڈسٹرکٹ سپورٹس آفیسر مانسہرہ مصطفیٰ، بھی موجود تھے۔

رنگا رنگ افتتاحی تقریب کا آغاز تلاوت کلام پاک سے ہوا، جس کے بعد ساتوں شریک ٹیموں کا قومی ترانہ اور مارچ پاسٹ پیش کیا گیا۔ اس موقع پر گفتگو کرتے ہوئے سیکرٹری سپورٹس محمد طاہر اورکزئی نے صوبائی چک بال ایسوسی ایشن کی طرف سے ایک خوبصورت سیاحتی مقام بٹہ کنڈی میں انٹر ڈویژنل وومن چک بال چیمپئن شپ کے انعقاد کوسراہتے ہوئےکہا کہ یہ ایک اچھی کاوش ہے کہ خیبرپختونخوا بھر سے خواتین تین روزہ چیمپئن شپ میں حصہ لے رہی ہیں۔ انہوں نے کہا کہ پاکستان کی گیمز میں چک بال کا ایک مقام ہے اور خاص طور پر خواتین میں کھیلوں کا اچھا ٹیلنٹ ہے اس کے علاوہ وہ دیگر گیمز میں بھی شاندار کارکردگی کا مظاہرہ کر رہی ہیں۔

انہوں نے ایسوسی ایشن کو اپنے بھرپور تعاون کا یقین دلایا۔ انہوں نے کہا کہ اس طرح دوسرے ڈویژنل ہیڈ کوارٹرز کے کھلاڑی مختلف ثقافتوں کے تبادلے کے علاوہ ایک دوسرے کے ساتھ بات چیت میں مدد کریں گے۔ محمد طاہر خان اورکزئی نے کہا کہ خیبرپختونخوا حکومت خواتین اور مرد کھلاڑیوں کی سہولت کے لیے مخلصانہ کوششیں کر رہی ہے۔ انہوں نے کہا کہ مختلف کھیلوں کے ہموار انعقاد کے لیے ریکارڈ فنڈز مختص کیے گئے ہیں اور اس کے علاوہ عہدوں پر سپورٹس اسکالرشپ بھی دی گئی ہے۔

انہوں نے کہا کہ کھیلوں کے انفراسٹرکچر کی ترقی ان کی اولین ترجیح ہے تاکہ نوجوانوں کو ان کی دہلیز پر مدد فراہم کی جا سکے اسی لیےص۔بے میں 200 سے زائد کھیلوں کے منصوبوں پر کام شروع کر دیا گیا ہے اور ان منصوبوں پر تعمیر آخری مراحل میں ہے جن پر 90 فیصد کام مکمل ہو چکا ہے۔