زین الدین زیڈان نے امریکی فٹبال ٹیم کی کوچنگ پیشکش مسترد کردی

معروف فرانسیسی فٹ بال مینیجر اور سابق کھلاڑی زین الدین زیڈان نے امریکی قومی فٹبال ٹیم کا نیا کوچ بننے کی پیشکش کو مسترد کر دیا ہے۔ESPN براڈکاسٹر نے رپورٹ کیا کہ ریاست ہائے متحدہ کی سوکر فیڈریشن نے موجودہ کوچ گریگ برہالٹر کا معاہدہ ختم ہونے کے بعد زیڈان سے قومی ٹیم کو سنبھالنے کی پیشکش کرنے کے لیے رابطہ کیا ہے۔

قبل ازیں میڈیا نے خبر دی تھی کہ زیڈان قطر میں 2022 کے ورلڈ کپ کے بعد فرانسیسی قومی ٹیم کے نئے کوچ بن سکتے ہیں تاہم فرانسیسی فٹبال فیڈریشن نے موجودہ کوچ ڈیڈیئر ڈیسچیمپ کے معاہدے کو 2026 کے ورلڈ کپ تک بڑھانے کا فیصلہ کیا ہے۔زیڈان 2016-2018 اور 2019-2021 میں ہسپانوی کلب ریئل میڈرڈ کے ہیڈ کوچ تھے، کلب کے ہیڈ کوچ کی حیثیت سے انہوں نے تین بار چیمپئنز لیگ، ہسپانوی لا لیگا، یو ای ایف اے سپر کپ اور فیفا کلب ورلڈ کپ دو دو بار جیتا ہے۔