24 ویں خیبر پختو نخوا کوالیفائنگ چیس چمپیئن شپ اختتام پذیر ہوئی

 

 

24 ویں خیبر پختو نخوا کوالیفائنگ چیس چمپیئن شپ اختتام پذیر ہوئی

اس چمپیئن شپ میں دس کھلاڑیوں نے شاندار پرفارمنس دکھاتے ہوئے نیشنل چمپیئن شپ کیلئے جگہ بنالی

پشاور ( سپورٹس رپورٹر ) صوبائی دارالحکومت پشاور میں منعقدہ 24 ویں خیبر پختو نخوا کوالیفائنگ چیس ( شطرنج ) چمپئن شپ اختتام پذیر ہوگئی ،اس چمپیئن شپ میں ٹاپ ٹین پوزیشن پر آنے والے کھلاڑیوں نے نیشنل چمپیئن شپ کیلئے خیبر پختو نخوا ٹیم میں جگہ بنالی ۔

 

اس موقع پر پاکستان چیس چیس ( شطرنج ) فیڈریشن کے صدر حنیف قریشی تھے ۔ جنہوں نے پوزیشن ہولڈر کھلاڑیوں کو میڈلز پہنائے اور ٹرافیاں و کیش انعامات دیئے ۔ اس موقع پر پاکستان چیس فیڈریشن کے سیکرٹری جنرل عمر خان اور فنانس سیکر ٹری راجہ گوہر سمیت کثیر تعداد میں دیگر شخصیات بھی موجود تھیں ۔

 

صوبائی چیس ( شطرنج ) ایسوسی ایشن کے زیر اہتمام ایس ایس کلب یونیورسٹی روڈ پشاور میں کھیلی جانیوالی دو روزہ 24 ویں خیبر پختو نخوا چیس ( شطرنج ) چمپئن شپ میں صوبے کے مختلف اضلاع سے مردو خواتین کھلاڑیوں نے بھر پور شرکت کی ۔ اس چمپئن شپ میں جونیئر کٹیگری کے مقابلے بھی کھیلے گئے ۔ چمپیئن شپ میں پشاور کے سلیل احمد نمبرون پوزیشن ہر رہے

 

 

 

جبکہ پشاور ہی کے سلمان علی خان دوسری نمبر پر رہے ۔ اسی طرح پشاور سے تعلق رکھنے والے ڈاکٹر شاہ جہان عالم ، ملاکنڈ تھانہ سے تعلق رکھنے والے کامران خان ، محمد حارث رضوان ( پشاور ) ، رفیع اللہ ( لنڈی کوتل ) ، ایمل صفی ، چترال کے جمال ناصر ، محمد اسحاق ( ڈی آئی خان ) ، اور ( چترال کے اقبال احمد خان باالترتیب پوزیشن پر رہے ۔

 

اس ایونٹ میں ٹاپ ٹین پوزیشن پر آنے والے یہ کھلاڑی نیشنل چمپیئن شپ کیلئے خیبر پختو نخوا ٹیم میں جگہ بنا نے میں کامیاب ہوگئے جبکہ جونیئر میں محمد حسین اسحاق اوپن کٹیگری میں نیشنل ایونٹ میں خیبر پختونخوا کی نمائندگی کریں گے ۔ چمپئن شپ کے خواتین کٹیگری میں چترال سے تعلق رکھنے والی عابدہ منظور نے پہلی ، انیسہ منظور نے دوسری اور ثمرین خان نے تیسری پوزیشن حاصل کی ۔

 

جونیئر کٹیگری کے ایونٹ میں محمد حسین اسحاق نے پہلی اور محمد وجدان یونس نے تیسری پوزیشن حاصل کی ۔ اختتامی تقریب سے خطاب کرتے ہوئے پاکستان چیس فیڈریشن کے صدر حنیف قریشی نے اس چمپیئن شپ کو ایک کامیاب ایونٹ قرار دیتے ہوئے کہا

 

کہ خیبر پختو نخوا چیس ایسوسی ایشن کے صدر عمر خان ، سیکرٹری کاشف سلیم اور فنانس سیکرٹری شہزادہ خرم نے بہترین انتظامات کیے گئے ہیں جبکہ خواتین اور بچوں کی بھرپور شرکت نے اس چمپئن شپ کو چار چاند لگا دئیے ۔ انکا کہنا تھا کہ اس سے ظاہر ہوتا ہے

 

کہ صوبائی چیس ( شطرنج ) ایسوسی ایشن نے خیبر پختو نخوا میں چیس کے فروغِ کیلئے کیا ہے یہی وجہ ہے کہ یہاں ہر ہونیوالے ہر چمپئن شپ میں بڑی تعداد میں مختلف کٹیگری میں بھرپور شرکت ہوتی ہے ۔ تقریب سے خطاب کرتے ہوئے پاکستان چیس ( شطرنج ) فیڈریشن کے سیکرٹری جنرل عمر خان جوکہ صوبائی چیس ایسوسی ایشن کے صدر بھی ہیں نے کہا

 

کہ خیبر پختو نخوا میں چیس ( شطرنج ) کو فروغ دینے اور اس کھیل کو ایک مقبول کے طور پر سامنے لانے کیلئے انہوں نے باقاعدی کلینڈر ترتیب دیدی یے جسکے تحت پشاور اور صوبے بھر کے تعلیمی اداروں میں چیس ( شطرنج ) کے مقابلے منعقد کروائیں گے ۔

 

اسکے علاوہ بھی اضلاع میں چمپئن کرائیں گے تاکہ اس کھیل کو صحیح معنوں میں فروغ دی جاسکے ۔ انہوں نے کہاکہ ان تمام ٹورنامنٹس کو صوبائی چیس ( شطرنج ) ایسوسی ایشن اپنی مدد آپ کے منعقد کرارہی ہے اور حکومت کی جانب سے کسی قسم کی حوصلہ افزائی نہیں ہورہی ہے ۔

 

عمر خان نے کہاہے کہ خیبر پختو نخوا میں چیس ( شطرنج ) کا بے پناہ ٹیلنٹ موجود ہے اور انشاء اللہ اس ٹیلنٹ مزید پالش کرکے سامنے لائیں گے ۔ آخر میں مہمان خصوصی پاکستان چیس ( شطرنج ) فیڈریشن کے صدر حنیف قریشی نے نمایاں پوزیشن حاصل کرنے والے کھلاڑیوں کو میڈلز پہنائے اور ٹرافیاں و کیش انعامات دیئے ۔