انٹر ریجنل والی بال چیمپئن شپ کی ٹیموں میں کٹس کی تقسیم کی تقریب

انٹر ریجنل والی بال چیمپئن شپ کی ٹیموں میں کٹس کی تقسیم کی تقریب

مسرت اللہ جان

پاکستان سپورٹس بورڈ اور کوچنگ سینٹر پشاور میں والی بال انٹر ریجنل چیمپئن شپ کے لیے مختلف علاقائی ٹیموں میں کٹس تقسیم کرنے کی تقریب ہوئی۔ دھند کے باوجود ڈی آئی خان اور ایبٹ آباد کی ٹیمیں بروقت پہنچی تھی

جبکہ جبکہ بنوں کی ٹیم کے ریجنل سپورٹس آفیسر اپنی ٹیم کی عدم موجودگی کے باوجود وقت کی پابندی سے پہنچے۔اسی باعث صبح دس بجے منعقد کی جانیوالی یہ تقریب سوا تین بجے شروع کی گئی.

مختلف علاقوں سے ا منتخب کی گئی آٹھ ٹیمیں اس ایونٹ میں سرگرمی سے حصہ لے رہی ہیں۔ قابل ذکر بات یہ ہے کہ اس چیمپئن شپ میں پشاور کی دو ٹیمیں حصہ لے رہی ہیں جن میں والی بال اکیڈمی خیبر پختونخوا اسپورٹس کمپلیکس کی ایک ٹیم سپورٹس ڈائریکٹوریٹ آف خیبرپختونخوا کے کوچ واصف اللہ کی رہنمائی میں ہے۔

بنوں کی ٹیم کی غیر موجودگی میں ان کے ریجنل سپورٹس آفیسر شفقت اللہ نے والی بال ٹیم کی جانب سے کٹس کو خوش اسلوبی سے قبول کیا۔ یہ اعلان قابل ذکر ہے کہ اس چیمپئن شپ میں ٹاپ بیس رکنی ٹیم کو صوبائی ٹیم کا درجہ دیا جائے گا جس کے ہر رکن کو پینتالیس ہزار روپے ماہانہ وظیفہ ملے گا۔