ون ڈے سیریز ; پاکستان کی 22 سال بعد آسٹریلیا کو اُس کی سر زمین پر شکست

ون ڈے سیریز ;پاکستان کی 22 سال بعد آسٹریلیا کو اُس کی سر زمین پر شکست

(اصغر علی مبارک)

ون ڈے سیریز ;پاکستان کی 22 سال بعد آسٹریلیا کو اُس کی سر زمین پر شکست ,پاکستان نے 2002 میں کینگروز کے خلاف آسٹریلیا میں ون ڈے سیریز جیتی تھی۔آسٹریلیا نے پاکستان کو تیسرے اور آخری ون ڈے انٹرنیشنل میں جیت کے لیے 141 رنز کا ہدف دیا

پرتھ میں کھیلے گئے ایک روزہ سیریز کے آخری میچ میں پاکستانی پیس بیٹری نے آسٹریلیاکی بیٹنگ لائن کے پرخچے اڑا دیے، قومی ٹیم نے 31.5 اوورز میں آسٹریلیا کے 9 کھلاڑی 140 رنز پر آؤٹ کردیے

جب کہ ایک کھلاڑی انجری کی وجہ سے دوبارہ بیٹنگ کے لیے میدان میں نہیں اترے۔پاکستان نے آسٹریلیا کے خلاف 3 ون ڈے میچز کی سیریز کے فیصلہ کن میچ میں ٹاس جیت کر فیلڈنگ کا فیصلہ کیا ہے۔

پاکستانی ٹیم کی جانب سے گزشتہ میچ کی فاتح سائیڈ برقرار رکھی گئی ہے، تاہم آسٹریلیا نے ٹیم میں 5 تبدیلیاں کی ہیں، میزبان ٹیم نے کوپر کونولی، مارکس اسٹوئنس، شان ایبٹ، اسپینسر جونسن اور لینس موریس کو موقع دیا ہے۔

آسٹریلیا کی اوپننگ جوڑی اس میچ میں بھی ناکام ثابت ہوئی، جیک فریزر میکگورک صرف 7 رنز بنانے کے بعد آؤٹ ہوئے اور میتھیو شارٹ نے 22 رنز کی اننگز کھیلی۔آسٹریلیا کی پہلی وکٹ 20 رنز پر گری جب جیک فریزر چوتھے اوور کی پہلی گیند پر وکٹوں کے پیچھے کیچ آؤٹ ہو گئے،

یہ نسیم شاہ کی بہترین گیند تھی۔ آسٹریلیا کی دوسری وکٹ 36 رنز پر گری جب ایرون ہارڈی ساتویں اوور کی پہلی گیند پر سلمان آغا کے ہاتھوں 12 رنز بنا کر کیچ آؤٹ ہو گئے، یہ شاہین شاہ آفریدی کی گیند تھی۔

کینگروز کی تیسری وکٹ 56 رنز پر گری جب جوش انگلس 7 رنز بنا کر نسیم شاہ کی گیند پر وکٹوں کے پیچھے کیچ آؤٹ ہو ئے، یہ کپتان محمد رضوان کا دوسرا کیچ تھا۔اوپنر میتھیو شارٹ آؤٹ ہونے والے چوتھے کھلاڑی تھے،

وہ حارث رؤف کی گیند پر عرفان خان کے ہاتھوں 22 رنز بنا کر کیچ آؤٹ ہوئے۔ اس وقت آسٹریلیا کا مجموعہ 72 رنز تھا۔ آسٹریلوی بلے باز کوپر کونولی ریٹائرڈ ہرٹ ہو کر پویلین لوٹ گئے، ساتھ ہی آسٹریلیا کی پانچویں وکٹ 79 رنز پر گر گئی

جب گلین میکسویل 18ویں اوور کی دوسری گیند پر صائم ایوب کے ہاتھوں کیچ آؤٹ ہو گئے، یہ حارث رؤف کی دوسری وکٹ تھی۔چھٹی وکٹ 88 رنز پر گری جب مارکس اسٹوئنس 8 رنز بنا کر محمد حسنین کی گیند پر وکٹوں کے پیچھے محمد رضوان کے ہاتھوں کیچ آؤٹ ہوئے۔

آسٹریلیا کی ساتویں وکٹ 118 کے مجموعے پر ایڈم زیمپا کی صورت میں گری جب وہ 13 رنز بنا کر نسیم شاہ کی تیز گیند پر صائم ایوب کے ہاتھوں کیچ آؤٹ ہوئے۔

کپتان جوش انگلس بھی 7 ہی رنز بناسکے، ایرون ہارڈی نے 12 رنز بنانے میں کامیاب رہے، کوپر کونولی 7 رنز پر ریٹائرڈ ہرٹ ہوگئے، محمد حسنین کی گیند ان کے ہاتھ پر لگی جس سے وہ انجرڈ ہوگئے۔

گلین میکسوئل مسلسل تیسرے میچ میں حارث رؤف کا شکار بنے، وہ کھاتہ کھولے بغیر ہی پویلین واپس لوٹ گئے۔ قومی ٹیم کی جانب سے نسیم شاہ نے 3، حارث رؤف نے 2 جب کہ شاہین آفریدی اور محمد حسنین نے ایک وکٹ حاصل کی۔

پاکستانی ٹیم کی جانب سے گزشتہ میچ کی فاتح سائیڈ برقرار رکھی گئی ہے، تاہم آسٹریلیا نے ٹیم میں 5 تبدیلیاں کی ہیں، میزبان ٹیم نے کوپر کونولی، مارکس اسٹوئنس، شان ایبٹ، اسپینسر جونسن اور لینس موریس کو موقع دیا ہے۔

واضح رہے کہ آسٹریلیا نے پہلے ون ڈے انٹرنیشنل میں دلچسپ مقابلے کے بعد پاکستان کو شکست دی تھی جب کہ قومی ٹیم نے دوسرے میچ میں شاندار کھیل پیش کرتے ہوئے میزبان ٹیم کو ہرا کر سیریز 1-1 سے برابر کردی تھی۔ب

ھارت کے خلاف ٹیسٹ سیریز سے قبل آسٹریلیا نے اپنے اہم کھلاڑیوں کو آرام دیا ہے جن میں کپتان پیٹ کمنز، اسٹیو اسمتھ ، مارنس لبوشین، مچل اسٹارک، اور جوش ہیزل ووڈ شامل ہیں۔