ڈیپارٹمنٹل سپورٹس بحالی پر شعیب اختر اور محمد حفیظ خوش

وزیراعظم شہباز شریف کے تمام سرکاری محکموں کو اپنے کھیلوں کے شعبے بحال کرنے کے اعلان کو سابق کرکٹرز نے خوش آئند قرار دیا ہے۔میڈیا رپورٹ کے مطابق وزیراعظم نے کامن ویلتھ گیمز میں میڈلز جیتنے والے کھلاڑیوں کے اعزاز میں تقریب سے خطاب کے دوران ڈیپارٹمنٹس سپورٹس بحال کرنے کا اعلان کیا ہے۔سابق سپیڈ اسٹار شعیب اختر نے ڈیپارٹمنٹس کی بحالی کو کرکٹرز کے لیے خوش آئند فیصلہ قرار دیتے ہوئے کہا کہ یہ وہ چیز ہے جو ہم سب چاہتے تھے کیونکہ ڈیپارٹمنٹس، ریجنز اور سپانسرز سے کہیں زیادہ کرکٹرز کو سپورٹ کرتے ہیں۔سابق کپتان محمد حفیظ نے اپنے بیان میں کہا کہ پاکستان کی تمام کھیل برادری کو مبارک ہو، وزیراعظم کا محکمانہ کھیلوں کی بحالی کا فیصلہ خوش آئند ہے۔ پاکستان زندہ بادانہوں نے کہا کہ میں اپنے ساتھیوں مصباح الحق اور اظہر علی کا شکریہ ادا کرنا چاہوں گا کہ انہوں نے ڈیپارٹمنٹس کی بحالی کیلئے میرے ساتھ آواز اٹھائی اور اس پر ثابت قدم رہے۔محمد حفیظ نے کہا کہ ڈیپارٹمنٹل کرکٹ کی بحالی سے ہمارے ملک کے تمام کھلاڑیوں کو مواقع اور مالی مدد ملے گی۔ شکریہ