چئیرمین پی سی بی محسن نقوی کا راولپنڈی کرکٹ سٹیڈیم کا دورہ

چئیرمین پی سی بی محسن نقوی کا علی الصبح راولپنڈی کرکٹ سٹیڈیم کا دورہ

محسن نقوی نے سٹیڈیم میں شائقین کرکٹ کے لئے سہولتوں کا جائزہ لیا.

چیئرمین پی سی بی محسن نقوی نے علی الصبح پنڈی کرکٹ سٹیڈیم کا دورہ کیا، جہاں چیف آپریٹنگ آفیسر سلمان نصیر نے انہیں بریفنگ دی، قومی ٹیم کے چیف سلیکٹر وہاب ریاض بھی چیئرمین پی سی بی کے ہمراہ تھے۔

محسن نقوی نے سٹیڈیم میں شائقین کرکٹ کے لیے سہولتوں کا جائزہ لیا اور کرکٹ سٹیڈیم کی اپ گریڈیشن کا پلان طلب کرلیا۔

راولپنڈی کرکٹ سٹیڈیم کو عالمی معیار کا سٹیڈیم بنانے کے لیے پلان جلد تیار کرنے کی ہدایت کی اور گراونڈ کی حالت کو بھی جلد بہتر بنایا جائے۔

چیئرمین پی سی بی نے سٹیڈیم کے انکلوژر میں سہولیات بہتر بنانے سمیت عارضی نشستوں کی بجائے مستقل نشستیں لگانے کی ہدایت کی اورگراؤنڈ کی حالت کو بھی بہتر بنانے کے احکامات جاری کیے۔