پہلا ون ڈے، پاکستان کی بیٹنگ لائن بری طرح فلاپ ؛ پاکستان کے 6 کھلاڑی آؤٹ

206 رنز کے ہدف کے تعاقب میں پاکستان میں بیٹنگ جاری ہے تاہم بارش کے باعث میچ کو روک دیا گیا۔

واضح رہے کہ زمبابوے کیخلاف پہلے ون ڈے میچ میں پاکستان کی بیٹنگ لائن بری طرح فلاپ ہوچکی ہے، 206 رنز کے ہدف کے تعاقب میں پاکستان کی 59 رنز پر 6 وکٹیں گر چکی ہیں جبکہ محمد رضوان 18 اور عامر جمال بغیر کسی رن کے کریز پر موجود ہیں۔

ورلڈ چیمپئن آسٹریلیا کے خلاف آسٹریلیا میں ون ڈے سیریز جیتنے کے بعد پاکستانی کرکٹ ٹیم کے کھلاڑیوں کا مورال بہت ہائی ہے جبکہ عاقب جاوید کے ہیڈ کوچ بننے کے بعد پاکستانی ٹیم کا یہ پہلا اسائنمنٹ ہے۔

پاکستان نے زمبابوے کے خلاف پہلے ون ڈے میچ میں ٹاس جیت کر بولنگ کا فیصلہ کیا ہے۔زمبابوے کی ٹیم 40.2 اوورز میں 205 رنز بنا کر آؤٹ ہوئی۔

پاکستان اور زمبابوے کے درمیان پہلا ایک روزہ میچ بلاوائیو میں کھیلا جا رہا ہے۔ پاکستان نے ٹاس جیت کر فیلڈنگ کرنے کا فیصلہ کیا۔ زمبابوے نے پہلے بیٹنگ کرتے ہوئے پاکستان کو جیت کے لیے 206 رنز کا ہدف دیا۔

زمبابوے کی ٹیم 40.2 اوورز میں 205 رنز بناکر آؤٹ ہوگئی،  رچرڈ نگراوا 48 رنز کے ساتھ نمایاں رہے۔ جبکہ سکندر رضا 39 اور مارومنی 29 رنز بنا سکے۔ شان ولیم نے 23 رنز بنائے۔

پاکستان کی جانب سے نائب کپتان سلمان علی آغا اور ڈیبیو کرنے والے سپنر فیصل اکرم نے 3، 3 جبکہ حارث رؤف، عامر جمال اور محمد حسنین نے ایک ایک وکٹ حاصل کی تاہم زمبابوے کا ایک کھلاڑی رن آؤٹ ہوا۔

پاکستان اور زمبابوے کے درمیان 3 میچز کی سیریز کے پہلا ایک روزہ میچ میں پاکستان نے ٹاس جیت کر پہلے باؤلنگ کرنے کا فیصلہ کیا ہے۔

ورلڈ چیمپئن آسٹریلیا کے خلاف آسٹریلیا میں ون ڈے سیریز جیتنے کے بعد پاکستانی کرکٹ ٹیم کے کھلاڑیوں کا مورال بہت ہائی ہے جبکہ عاقب جاوید کے ہیڈ کوچ بننے کے بعد پاکستانی ٹیم کا یہ پہلا اسائنمنٹ ہے۔

ٹاس کے موقع پر گفتگو کرتے ہوئے قومی کپتان محمد رضوان نے بتایا ہے کہ 3 کھلاڑی آج ڈیبیو کر رہے ہیں، نئے ٹیلنٹ کو ٹیم میں موقع دیا ہے، نوجوان کھلاڑی بھی پاکستانی ٹیم میں شامل ہیں۔

انہوں نے کہا ہے کہ پہلے اوورز بیٹنگ کیلئے مشکل ہوں گے، صورتحال کے مطابق ٹیم کو لے کر چلنا ہوتا ہے، اچھا کھیل پیش کرنے کی کوشش کریں گے۔

قومی ٹیم میں آج عامر جمال، حسیب اللہ اور فیصل اکرم کا ڈیبیو ہوا ہے جبکہ زمبابوے سیریز میں پاکستان نے تین اہم کرکٹرز بابر اعظم، شاہین شاہ آفریدی اور نسیم شاہ کو آرام دیا ہے۔

قومی سکواڈ ; پاکستانی سکواڈ میں آج صائم ایوب، عبداللہ شفیق، کپتان محمد رضوان، کامران غلام، عرفان خان نیازی، سلمان علی آغا، حسیب اللہ، عامر جمال، حارث رؤف، محمد حسنین اور فیصل اکرم، شامل ہیں۔

زمبابوے کا اسکواڈ؛ کپتان کریگ ایروائن، برائن بینیٹ، جویلورڈ گمبی، ٹریور گوانڈو، توانداناشے مارومانی، برینڈن ماوتا، بلیسنگ مزاربانی، رچرڈ نگروا، ڈیون مائرز، سکندر رضا، شان ولیمز

دونوں ٹیموں کے درمیان اب تک 62 ون ڈے میچ ہوئے ہیں، جن میں سے پاکستان نے54 اور زمبابوے نے 5 میچ جیتے ہیں جبکہ 2 میچ بے نتیجہ رہے ہیں۔