صدر، وزیراعظم، وزیراعلیٰ پنجاب , چیئرمین پی سی بی کی قومی ٹیم کو کامیابی پر مبارکباد

صدر، وزیراعظم، وزیراعلیٰ پنجاب , چیئرمین پی سی بی کی قومی ٹیم کو کامیابی پر مبارکباد

(اصغر علی مبارک)

صدر مملکت آصف علی زرداری ، وزیراعظم شہباز شریف، وزیراعلیٰ پنجاب مریم نواز اور چیئرمین پی سی بی محسن نقوی نے آسٹریلیا کے خلاف تاریخی کامیابی پر قومی ٹیم کو مبارکباد دی ہے۔

صدر مملکت آصف علی زرداری نے پاکستانی کرکٹ ٹیم کو آسٹریلیا کے خلاف ون ڈے سیریز جیتنے پر مبارکباد دی۔ انہوں نے کہا کہ پاکستان کرکٹ ٹیم نے بہترین کارکردگی کا مظاہرہ کیا، پوری ٹیم اس شاندار کارکردگی پر مبارکباد کی مستحق ہے، اُمید ہے کہ پاکستان کرکٹ ٹیم مستقبل میں بھی مزید کامیابیاں سمیٹے گی۔

وزیراعظم شہباز شریف کی جانب سے جاری بیان میں پاکستان کرکٹ ٹیم کو آسٹریلیا کو ون ڈے سیریز میں شکست دینے پر مبارکباد یتے ہوئے کہا کہ قوم کے لیے یہ انتہائی خوشی کا موقع ہے۔

پاکستانی باؤلرز اور بلے بازوں نے آسٹریلیا کے خلاف بہترین کارکردگی کا مظاہرہ کیا، ہمیں اپنی کرکٹ ٹیم پر فخر ہے۔ وزیراعلیٰ پنجاب مریم نواز نے 22 سال بعد آسٹریلیا کے خلاف ون ڈے سیریز جیتنے پر مبارکباد دیتے ہوئے کہا کہ شاہینوں نےکینگروز کو انہیں کی سرزمین پر ہرا کر تاریخ رقم کردی ہے۔

چیئرمین پی سی بی نے قومی ٹیم کو مبارکباد دیتے ہوئے کہا کہ آسٹریلیا جیسی مضبوط ٹیم کو ہوم گراؤنڈ پر شکست دے کر کھلاڑیوں نے قوم کا سر فخر سے بلند کیا، آج کی فتح نے پوری قوم کے چہروں پر خوشیاں بکھیر دی ہیں۔

محسن نقوی کا کہنا تھا کہ تاریخی جیت پر تمام کھلاڑی اور مینجمنٹ تعریف کے مستحق ہیں، قومی کرکٹ ٹیم کے کھلاڑیوں نے فیلڈنگ، باؤلنگ اور بیٹنگ میں آسٹریلیا کو آؤٹ کلاس کیا۔

واضح رہے کہ پاکستان نے آسٹریلیا کو 3 میچوں کی سیریز میں 0-1 سے شکست دے کر کینگروز کی سرزمین پر 22 سال بعد ون ڈے سیریز اپنے نام کرلی۔