ابوظہبی ٹی 10لیگ، شاداب خان نے دہلی بلز کو جیت دلادی

ابوظہبی ٹی 10لیگ،شاداب خان نے دہلی بلز کو جیت دلادی

ابوظہبی: پاکستانی کرکٹر شاداب خان کی آل راونڈ کارکردگی اور متحدہ عرب امارات کے مقامی ٹیلنٹ محمد روہید کی سنسنی خیز باولنگ کی بدولت دہلی بلز نے مضبوط فتح حاصل کی۔ روہید نے 2 اوورز میں صرف 16 رنز دے کر 3 وکٹیں حاصل کیں جبکہ شاداب خان نے ایک اوور میں 14 رنز دے کر ایک وکٹ حاصل کی اور چنئی بریو جیگوارز کو 10 اوورز میں 5 وکٹوں کے نقصان پر 97 رنز تک محدود کردیا ۔ جیمز ونس اور ٹام بینٹن نے 74 رنز کی شراکت قائم کرتے ہوئے دہلی کو تیز آغاز دیا۔ لیکن چند فوری وکٹوں نے میچ کا رخ موڑ دیا اور شاداب خان نے 6 گیندوں پر ناقابل شکست 20 رنز کی اننگز کھیل کر اپنی ٹیم کو 6 وکٹوں سے جیت دلائی۔