آل پاکستان کمشنر گوجرانوالہ گولڈ کپ ہاکی ٹورنامنٹ اختتامی مراحل میں داخل

آل پاکستان کمشنر گوجرانوالہ گولڈ کپ ہاکی ٹورنامنٹ اختتامی مراحل میں داخل ہوگیا، پاکستان واپڈا، پاکستان نیوی، ماڑی پیٹرولیم اور پنجاب کلرز سیمی فائینل کے لئے کوالیفائی کرگئیں۔ سیمی فائینلز ایک روزہ وقفہ کے بعد 18 فروری کو کھیلے جائینگے۔ پاکستان واپڈا پاکستان نیوی کے مدمقابل ہوگی جبکہ پنجاب کلرز ماڑی پیٹرولیم سے نبرد آزما ہوگی۔ پہلا سیمی فائینل 3:00 بجے دن جبکہ دوسرا سیمی فائینل 6:00 بجے شام برقی روشنائیوں میں کھیلا جائیگا۔ جبکہ فائینل 19 فروری کو کھیلا جائیگا۔

پاکستان ہاکی فیڈریشن کی زیر نگرانی و پنجاب ہاکی ایسوسی ایشن کے زیر اہتمام گکھڑ سپورٹس کمپلیکس گوجرانوالہ میں جاری آل پاکستان کمشنر گوجرانوالہ گولڈ کپ ہاکی ٹورنامنٹ کے راؤنڈ میچز کے آخری روز تین میچز کھیلے گئے۔ ایونٹ کے چوتھے دن کا پہلا میچ پورٹ قاسم اور سندھ کے مابین کھیلا گیا.جو کہ پورٹ قاسم نے 3-6 سے جیت لیا.پورٹ قاسم کی جانب سے عبدالرحمن نے شاندار پرفارمنس کا مظاہرہ کرتے ہوئے پانچ جبکہ محسن نے ایک گول سکور کیا.سندھ ہاکی ٹیم کی جانب سےزین,قادر اور حارث ایک ایک گول سکور کرنے میں کامیاب ہوئے. مذکورہ میچ میں ایمپائرنگ کے فرائض مظہر وسیم اورمبارک علی نے سرانجام دیئے جبکہ ریزرو ایمپائر مبشر علی تھے ۔ ججز کے فرائض جاوید صادق,اکرام الحق, منور چوہدری نے سرانجام دیئےاور ٹیکنیکل آفیشل کے فرائض ہارون سعید نے سر انجام دیئے۔

دوسرا میچ پاکستان نیوی اور ماڑی پیٹرولیم کے مابین کھیلا گیا.جو کہ ماڑی پیٹرولیم نے 2-3 سے جیت لیا.ماڑی پیٹرولیم کی جانب سے عمیر ستار,غضنفر ,ارباز نے گول سکور کیے جبکہ پاکستان نیوی کی جانب سے سفیان نے دو گول سکور کیے.میچ میں ایمپائرنگ کے فرائض حمزہ خان اور یاسر خورشید انٹرنیشنل نے سرانجام دیئے۔ ریزرو ایمپائر زاہد حمید تھے جبکہ ججز کے فرائض اللہ داد, حافظ ارشد، اسلم شاہ نے نبھائے اور ٹیکنیکل آفیشل کے فرائض رفیق خان نے سر انجام دیئے۔ آج کے دوسرے میچ کے مہمان خصوصی ایونٹ چیف کوآرڈینیٹر ڈی ایچ اے گوجرانوالہ عرفان باجوہ تھے جنہوں نے نیوی کی جانب سے دو گول کرنے والے کھلاڑی سفیان کو پانچ ہزار روپے کیش ایوارڈ اور ماڑی پیٹرولیم کی جانب سے گول کرنے والے تینوں کھلاڑیوں کو پانچ ، پانچ ہزار روپے کیش ایوارڈ دیا۔

ایونٹ کا تیسرا دلچسپ میچ پاکستان واپڈا اور پنجاب کلر کے مابین کھیلا گیا.جو کہ3-3 گول سے برابر رہا. پاکستان واپڈا کی جانب سے سلمان ,عبدالرحمن,عاطف نے ایک ایک گول سکور کیے.جبکہ پنجاب کی جانب سے ابوبکر,حمزہ اور ابوذر ایک، ایک گول کرنے میں کامیاب ہوئے.ایمپائرنگ کے فرائض حافظ ہارون رشید اور سہیل جنجوعہ نے نبھائے ریزرو ایمپائر محمود علی تھے۔ ججز کے فرائض مرزا جاوید,اللہ داد, ظہیر الحق,شیخ علی عابد نے سرانجام دیئے اور ٹیکنیکل آفیشل کے فرائض شفقت ملک نے نبھائے۔ تیسرے میچ کے مہمان خصوصی کانگریس ممبر پاکستان ہاکی فیڈریشن و نمائیندہ پنجاب برائے ڈی ایچ اے راولپنڈی محمد یٰسین تھے۔ معزز مہمان خصوصی کو کھلاڑیوں اور آفیشلز سے متعارف کرایا گیا۔ اس موقع پر محمد یٰسین نے ڈی ایچ اے راولپنڈی کی جانب سے ایونٹ کے لئے خصوصی ٹرافی بھی تحفہ کی۔

سپورٹس ایرینا گکھڑ(گوجرانوالہ) میں کھیلے جانے والے ایونٹ میں پانچ صوبائی اور پانچ ڈیپارٹمنٹل ٹیمیں شرکت کررہی ہیں۔ آرگنائزنگ سیکریٹری کے فرائض کرنل ر آصف ناز کھوکھر جبکہ اولمپین دانش کلیم ٹورنامنٹ ڈائریکٹر جبکہ رانا لیاقت علی (اٹک) اسسٹنٹ ٹورنامنٹ ڈائریکٹر تعینات کئے گئے ہیں۔ ایمپائرز مینجر ایف آئی ایچ ایمپائرز مینجر راشد محمود بٹ (ریلویز) کو تعینات کیا گیا ہے جبکہ سابق انٹرنیشنل ہاکی ایمپائر دلاور بھٹی اسسٹنٹ ایمپائرز مینجر کے فرائض سرانجام دے رہے ہیں۔