محمد عباس ناٹنگھم شائر کے بلے بازوں کے لیے ڈراؤنا خواب ثابت ہوئے۔

انگلش کاؤنٹ چیمپئن شپ کے رواں سیزن کے پہلے میچ میں ہی پاکستان کے محمد عباس نے شاندار انٹری دی اور اپنی تباہ کن بولنگ سے مخالف بیٹنگ لائن کو اڑا کر رکھ دیا۔

پاکستانی فاسٹ بولر محمد عباس انگلش کاؤنٹی چیمپئن شپ کے رواں سیزن میں ہمپشائر کی نمائندگی کر رہے ہیں۔ انہوں نے پہلے میچ میں شاندار آغاز کیا اور مخالف ناٹنگھم شائر کی بیٹنگ لائن کے پرخچے اڑاتے ہوئے 6 بلے بازوں کو آؤٹ کیا۔

چار روزہ میچ کے پہلے روز ہی محمد عباس ناٹنگھم شائر کے بلے بازوں کے لیے ڈراؤنا خواب ثابت ہوئے۔ انہوں نے پہلی اننگ میں صرف 49 رنز کے عوض 6 کھلاڑیوں کو پویلین بھیجا۔