بین الاقوامی کرکٹ کی ترقی کے لیے کھیلوں کے منصوبوں میں نجی فرنچائز کی شرکت کا مطالبہ.

بین الاقوامی کرکٹ کی ترقی کے لیے کھیلوں کے منصوبوں میں نجی فرنچائز کی شرکت کا مطالبہ

مسرت اللہ جان

ایک حالیہ بیان میں، کھیلوںسے وابستہ حلقوں نے نے ارباب نیازکرکٹ سٹیڈیم اور حیات آباد کرکٹ گراﺅنڈز کو لیز پر دینے کے منصوبے میںکرکٹ فرنچائز کی شمولیت کی ضرورت پر زور دیا جس کا مقصد ڈومیسٹک کرکٹ کو فروغ دینا اور بین الاقوامی اسٹیج کے لیے کرکٹ کے ٹیلنٹ کو پروان چڑھانا ہے۔

کھیلوں کی شخصیات نے بڑے پیمانے پر منصوبوں کو مو¿ثر طریقے سے منظم کرنے کے لیے صوبائی سپورٹس ڈائریکٹوریٹ کی صلاحیت کے حوالے سے خدشات کو اجاگر کیا۔ انہوں نے میدانوں پر کھیلوں سے متعلق جلسوں کے انعقاد میں سیاسی اثر و رسوخ کے حوالے سے مسائل کی نشاندہی کرتے ہوئے کہا کہ دوسری طرف صوبائی سپورٹس ڈائریکٹریٹ ان اربوں روپے کی مینٹیننس بھی نہیں کرسکتی اس لئے اگر اسے لیز پر دیا جائے تو بہتر ہوگا تاہم صرف سنگل بڈر پی سی بی کو نہیں بلکہ اسے اوپن نیلامی میں رکھا جائے تاکہ زیادہ سے زیادہ فائدہ صوبے کو حاصل ہو.

بیان میں پرائیویٹ فرنچائزز سے مطالبہ کیا گیا کہ وہ ان اقدامات کا حصہ بنیں، جس میں ڈومیسٹک کرکٹرز کے فروغ اور تربیت کے لیے انتظامات کی اہمیت پر زور دیا گیاان کے مطاق اس طرح کی دفعات سے کرکٹ کھلاڑی ان میدانوں پر قیمتی تجربہ حاصل کرتے ہوئے خود کو بین الاقوامی مقابلے کے لیے تیار کر سکیں گے۔

کھیلوں سے وابستہ حلقوں کے مطابق لیز پر دینے کی شرائط اوپن رکھی جائے یا پھر کھیلوں سے متعلق حلقوں کے ساتھ شیئر کیا جائے، جس میں کرکٹ کی ترقی کو آگے بڑھانے کے لیے باہمی تعاون کی ضرورت پر زور دیا جائے۔ اچھی شرائط پر دینے سے صوبے کی اربوں روپے کی سرمایہ کاری بھی ڈوب نہیں جائیگی اورڈومیسٹک کرکٹرز کو بھی مواقع مل سکیں گے .

کھیلوں سے وابستہ حلقوں نے صرف ایک مخصوص وفاقی ادارے کو جن کا اپنا بجٹ بھی اربوں روپے ہیں انہی ان کی پسندیدہ ٹرمز اینڈ کنڈیشنڈ پر دینے کی مخالفت کی ہے اور کہا ہے کہ یہ ادارے صرف اپنے مفادات کو دیکھتے ہیں اس لئے صوبے کے بیورو کریسی کو بھی اس معاملے میں سوچ سمجھ کر فیصلہ کرنا چاہئیے.